އ.ދގެ ގައުމީ މަޖިލީހުގެ އިންތިޚާބީ ރައީސްގެ ހައިސިއްޔަތުން މިނިސްޓަރ ޝާހިދު އިންޑިއާއަށް ވަޑައިގަންނަވަނީ!
އ.ދގެ ގައުމީ މަޖިލީހުގެ އިންތިޚާބީ ރައީސްގެ ހައިސިއްޔަތުން ރާއްޖޭގެ ފޮރިން މިނިސްޓަރ އަބްދުﷲ ޝާހިދު އިންޑިއާއަށް ވަޑައިގަންނަވާ ގޮތަށް ހަމަޖެހިއްޖެ އެވެ.
މިއީ އިންޑިއާ ސަރުކާރުގެ ދައުވަތަކަށް ކުރައްވާ ދަތުރުފުޅެކެވެ. އަދި މި ދަތުރުފުޅުގައި ދިއްލީއަށް މިއަދު ވަޑައިގަންނަވާ ގޮތަށް ވަނީ ހަމަޖެހިފަ އެވެ.
މި ދަތުރުފުޅުގައި އިންޑިއާގެ ބޮޑު ވަޒީރު ނަރެންދްރަ މޯދީއާއި އެކްސްޓަރނަލް އެފެއާޒް މިނިސްޓާރު ޑރ. އެސް. ޖަޔަޝަންކަރްއާ ބައްދަލު ކުރައްވާނެ އެވެ.
Departing to Delhi today on an official visit as President-elect of #UNGA76, on the invitation of the Indian Government.
Look forward to calling on PM H.E. @narendramodi, and meeting with EAM H.E.@DrSJaishankar during the visit. pic.twitter.com/QwwDCpJNkV
— Abdulla Shahid (@abdulla_shahid) July 21, 2021
މިނިސްޓަރު ޝާހިދު އދ. ގެ 76 ވަނަ އާންމު މަޖިލީހުގެ ރައީސްކަމަށް އިންތިޚާބުވެވަޑައިގަތީ މިދިޔަ މަހުގެ 7 ވަނަ ދުވަހު އެވެ.
އަފްޣާނިސްތާނުގެ ކުރީގެ ފޮރިން މިނިސްޓަރު ޑރ. ރަލްމައި ރަސޫލްއާ ވާދަ ކުރައްވާ ޝާހިދު ރައީސްކަން ކާމިޔާބު ކުރެއްވީ 143 ވޯޓުން ނެވެ. ޑރ. ރަލްމައި ރަސޫލް އަށް ލިބިވަޑައިގެންނެވީ 48 ވޯޓެވެ.
އދ. ގެ 76 ވަނަ އާންމު މަޖިލިސް ފަށަން ތާވަލްކޮށްފައި ވަނީ ސެޕްޓެމްބަރު 14، 2021 ގަ އެވެ.
ކޮންމެ ދައުރަކަށް ވަކި ރައީސަކު އިންތިޚާބު ކުރަން ޖެހޭއިރު އާންމު މަޖިލީހުގެ ދައުރު ފެށުމުގެ ތިން މަސް ކުރިން މަގާމުތަކަށް މެމްބަރުން އިންތިޚާބުކުރަން ޖެހެ އެވެ.
މިލިޔުން ކިޔާލުމުން
