ރައީސް ނަޝީދަށް އިންސާފު ނުލިބުން އެއީ ރައީސް އިބޫ ބޭނުންފުޅުވާ ގޮތް: އީވާ
ރައީސް ނަޝީދު މަރާލަން ދިން ބޮމުގެ ހަމަލާއަށް ދެއަހަރު ވީއިރުވެސް، ރައީސް ނަޝީދަށް އިންސާފު ނުލިބުން އެއީ ރައީސް އިބްރާހީމް މުޙައްމަދު ޞާލިޙްވެސް ބޭނުންފުޅުވެލައްވާ ގޮތް ކަމުގައި ރައްޔިތުންގެ މަޖިލީހުގެ ނައިބު ރައީސް އީވާ ޢަބްދުﷲ ވިދާޅުވެއްޖެއެވެ. އީވާ މިފަދައިން ވިދާޅުވެފައިވަނީ ކުރައްވާފައިވާ ޓްވީޓެއްގައެވެ. އީވާ ވިދާޅުވެފައިވާ ގޮތުގައި، ރައީސް ނަޝީދަށް އިންސާފު ލިބުނަ ނުދީ ހިފަހައްޓައިގެން ބަޔަކު ތިބީއެވެ. އަދި އެއީ ރައީސް އިބޫ ބޭނުންފުޅޫވާ ގޮތްކަން ވަރަށް ސާފު ކަމަށެވެ.
މެއި 6، 2021ގައި ނަޝީދަށް އަމާޒުކޮށް ބޮމެއް ގޮއްވާލި މައްސަލާގައި ދައުވާކުރަނީ ގއ. ކޮނޑޭ ފޮޅޭމާ ތަހުމީން އަހުމަދާއި، މއ. ފޭރުގޭ މުޖާޒް އަހުމަދާއި، ނ. މަނަދޫ ނޫރީގޭ އަލީ ހައިޝަމާއި، ގއ. ވިލިނގިލީ ހުދުރުވާގޭ ފަހުމީ އަލީއާއި، މ. ކުދެހިގޭ އިސްހާގު އަދި އއ. މާޅޮސް، އަސަރީގޭ މުހައްމަދު ނާޒިމްގެ މައްޗަށެވެ.
ފަހުމީއަށް ތުހުމަތު ކުރެވެނީ ގޮއްވާލި ސައިކަލުގައި ބޮން ހަރުކުރި ވަގުތު ފާރައަށް ހުރި ކަމަށެވެ. ނާޒިމަށް ތުހުމަތު ކުރެވެނީ ބޮން ގޮއްވި އަދުހަމް އަހުމަދަށް ބޮން ގޮއްވަން ބޭނުން ކުރި ރިމޯޓު ދިން ކަމަށެވެ. އަދި އިސްހާގަށް ތުހުމަތު ކުރެވެނީ އެކި ފަހަރުމަތިން ނަޝީދަށް ފާރަލި ކަމަށެވެ. މުޖާޒްގެ މައްޗަށް ދައުވާ ކުރަނީ އައިއީޑީ ގޮއްވާލުމަށްފަހު އަދުހަމް ފިލުވަން މަސައްކަތް ކުރިކަމަށް ތުހުމަތުކޮށެވެ. އަދި ތަހުމީނުގެ މައްޗަށް ގޮވާތަކެތި އެހެން ތަނަކަށް ގެންދިއުމަށް އެހީތެރިވެދިން ކަމެވެ.
މީގެ އިތުރުން އީވާ ވިދާޅުވެފައިވަނީ، މިބިރުވެރި ނުރައްކާތެރި ހަމަލާގެ އަޑީގައި ތިބި ބަޔަކު، މިޙަމަލާއަށް 2 އަހަރު ވެފައިވާ އިރުވެސް ހޯދިފައި ނުވާ ކަމަށެވެ.
އެ މައްސަލާގައި ދައުވާ އުފުލި މީހުންގެ ތެރެއިން މިހާތަނަށް ހުކުމްކޮށްފައި ވަނީ ހަމައެކަނި ވ. ތިނަދޫ، ހިޔާ، އަދުހަމް އަޙްމަދު ރަޝީދުގެ މައްޗަށެވެ.
ރައީސް @MohamedNasheed މަރާލަން ދިން ބޮމުގެ ހަމަލާއަށް 2 އަހަރު. މި ބިރުވެރި ނުރައްކާތެރި ހަމަލާގެ އަޑީގައި ތިބި ބަޔަކު ނުހޯދި. ރައީސް ނަޝީދަށް އިންސާފު ލިބުނަނުދީ ހިފަހައްޓާލައިގެން ތިބީ. އެއީ ރ. @ibusolih ބޭނުންފުޅުވާ ގޮތްކަން ވަރަށް ސާފު.#justiceforpresidentnasheed pic.twitter.com/pUBmO0BqRs
— Eva Abdulla 🎈❓ (@evattey) May 6, 2023
މިލިޔުން ކިޔާލުމުން
