ވެލިދޫ ޑްރައިވިން ޓްރެކް ހުޅުވާ ޚިދުމަތް ދޭން ފަށައިފި
ވެލިދޫގައި ޤާއިމްކުރި ޑްރައިވިން ޓްރެކް ހުޅުވާ، ލައިސެންސް ދޫކުރުމުގެ ޚިދުމަތް ދޭން ފަށައިފިއެވެ. މިގޮތުން މި ޑްރައިވިން ޓްރެކް ހުޅުވައިދެއްވީ އިއްޔެ އެކަމަށްޓަކައި ބޭއްވި ރަސްމިއްޔާތުގައި، ވެލިދޫ ކައުންސިލްގެ ރައީސް އާތިފް ޙުސެއިން އެވެ.
ވެލިދޫ ކައުންސިލުން ހާމަ ކޮށްފައިވާ ގޮތުގައި ވެލިދޫގައި އެއްގަމު އުޅަނދުގެ ލައިސެންސް ދޫކުރަން މިފެށީ މުޅީން އަލަށެވެ. އަދި 25 ޖުލައި 2023 އިން ފެށިގެން މި ފުރުސަތު ޢާއަމުކޮށް ވަނީ ހުޅުވާލާފައެެވެ.
މިގޮތުން މުޅީނަ އަލަށް ލައިސެންސް ނެގުމާއި، ލައިސެންސް އާކުރުމާއި، ގިންތި އިތުރު ކުރުމުގެ ޚިދުމަތްވެސް މިއާއި އެކު ލިބިގެން ދާނެ ކަމަށާއި، މި ޚިދުމަތްތަކަށް އެކައުންސިލުގައި އެދެން ޖެހޭނީ ‘ސިމްސް’ ޕޯޓަލް ބޭނުން ކޮށްގެން ކަމުގައި ކައުންސިލުން ނެރުނު ޢިއުލާނުގައި ވެއެވެ. އަދި ސިމްސް ޕޯޓަލް އަށް އީފާސް މެދުވެރިކޮށް ރަޖިސްޓްރީ ވެވޭނެ ކަމުގައިވެސް ބަޔާންކިށްފައި ވެއެވެ.
މިޚިދުމަތްތައް ދިނުމަށްޓަކައި ޚިދުމަތުގެ ފީތަކެއްވެސް ވަނީ ކަނޑައަޅާފައެވެ.
މިލިޔުން ކިޔާލުމުން
