މޫނު ބުރުގާގެ ދިފާޢުގައި ޕެޓިޝަނަކާއި އެކު އިޙްތިޖާޖެއް އިޢުލާންކޮށްފި!
ސަރުކާރުން ދަނީ މޫނު ބުރުގާ އެޅި މުދައްރިސުންގެ ޙައްޤުތައް ނަގާލަމުން
މޫނު ބުރުގާ އަޅައިގެން ކިޔަވައިދޭ މުދައްރިސުންގެ ޙައްޤުތައް ގެއްލޭ ގޮތަށް އެޑިއުކޭޝަން މިނިސްޓްރީން ނެރުނު ސުލޫކީ މިންގަނޑާއިމެދު ނުރުހުން ފާޅުކޮށް، މޫނުބުރުގާ އެޅި މުދައްރިސުންގެ ދިފާޢުގައި އިޙްތިޖާޖެއް ބޭއްވުމަށް އިޢުލާންކޮށްފިއެވެ.
މި އިޙްތިޖާޖު އޮންނާނީ 29 ޖުލައި ވާ ހޮނިހިރު ދުވަހު 16:15 ގައި ކާނިވާ ސަރަޙައްދުގައި ކަމަށް މިޙަރަކާތުން ޢާއްމުކޮށްފައިވާ ޕޯސްޓުތަކުގައި ވެއެވެ. މި ޙަރަކާތް ރާވައި ހިންގާ ފަރާތްތަކުން ހާމަކޮށްފައިވާ ގޮތުގައި މިއީ މުސްލިމް އުޚްތުންގެ ދިފާޢުގައި، މޫނު ބުރުގާގެ ދިފާޢުގައި އަދި ލާދީނިއްޔަތާ ދެކޮޅަށް ބާއްވާ އިޙްތިޖާޖެކެވެ.
މީގެ އިތުރުން، ނިޤާބު އެޅި އުޚްތުންނަށް ތަޢުލީމު ޙާސިލްކުރުމާއި، ވަޒީފާ އަދާކުރުމުގެ ޙައްޤު ކަަށަވަރު ކޮށްދިނުމަށާއި، މޫނުބުރުގާއާއި ދެކޮޅުވާނޭހެން ހަދާފައިވާ ޤަވާޢިދުތަކާއި އުޞޫލުތައް ބަދަލުރުމަށް ސަރުކާރަށް ގޮވާލާ ޕެޓިޝަނެއްވެސް ވަނީ ޢާއްމުކޮށްފައެވެ.
މޫނުބުރުގާ އެޅި މުދައްރިސުންގެ އަސާސީ ޙައްޤުތައް ސަރުކާރުން ނަގާލަނީ ކަމަށާއި، މޫނު ބުރުގާ އަޅައިގެން ކިޔަވައިދިނުމަށް ހުރަސް އެޅުމަކީ ދީނީ އަދި ޤާނޫނީ ކުށެއްކަމުގައި ބުނެ ޢިލްމުވެރީންނާއި ޢާއްމުން ދަނީ ސަރުކާރަށް ނުރުހުން ފާޅުކުރަމުންނެވެ.
ނިޤާބު އެޅި މުދައްރިސުންގެ ދިފާޢުގައި ސޮއިކުރާ ޕެޓިޝަން:
މިލިޔުން ކިޔާލުމުން
