ވޯޓުލާން ފަށާނީ މިއަދު ހެނދުނު 08:00 ގައި!
ވޯޓް ފޮށިތައް ބަންދު ކުރާނީ ހަވީރު 4:00 ގައި!
ކުރިއަށް އޮތް 5 އަހަރު ދުވަހަށް ރާއްޖޭގެ ރައީސުލް ޖުމްހޫރިއްޔާކަން ކުރައްވާނެ ފަރާތެއް ހޮވުމަށް ބާއްވާ ރިޔާސީ އިންތިޚާބަށް ކުޑަތަން ވެފައިވާއިރު އިންތިޚާބާއި ގުޅިގެން ހަމަޖައްސަންޖެހޭ އެންމެހާ ކަންކަން އެންމެ ފުރިހަމައަށް ކޮމިޝަންގެ ފަރާތުން ހަމަޖައްސަވާފައިވާކަށާއި ވޯޓު ފޮށިތައް ފޮނުވުމުގެ މަސައްކަތާއި، އޮފިޝަލުން ހަމަޖެއްސުމާއި އަދި އިދާރީ ގޮތުން ވާންޖެހޭ އެންމެހާ ތައްޔާރީތައް ފުރިހަމަކޮށްފައިވާ ކަމަށެވެ. އަދި މިއީ އެންމެ އިންސާފުވެރި ދެފުށްފެންނަ އިންތިޚާބަށް ވާނެކަމުގެ ޔަޤީންކަން ދެއްވާ ކަމަށް އީސީން ވަނީ ބުނެފައެވެ.
އީސީއިން އިތުރަށް ބުނީ ވޯޓުލުމުގެ އެންމެހާ ކަންކަން ހުރިހާ މަރުކަޒުތަކުގައިވެސް ހެނދުނު 08:00 ގައި ފަށާނެކަމަށެވެ. އަދި ހަވީރު 04:00 ގައި ފޮށިތައް ބަންދުކުރާނެކަމަށާއި ވޯޓު ގުނަން ފަށާނީ ފޮށި ބަންދުކުރާތާ، 30މިނެޓު ފަހުން ކަމަށެވެ.
މިއަދު ހެނދުނު ބާއްވާ މި އިންތިޚާބަކީ ރާއްޖޭގެ ތާރީޚުގައި އެންމެ ގިނަ ކެންޑިޑޭޓުން ރިޔާސީ އިންތިޚާބެއްގައި ވާދަކުރާ އިންތިޚާބެވެ. އެގޮތުން ޖުމުލަ 8 ކެންޑިޑޭޓަކު މާދަމާގެ އިންތިހާބުގައި ވާދަކުރައްވާއިރު އޭގެ ތެރެއިން ފަސް ބޭފުޅުންނަކީ ސިޔާސީ ޕާޓީތަކުގެ ޓިކެޓުގައި ވާދަކުރައްވާ ފަސް ބޭފުޅުންނެވެ. އަދި އަނެއް 3 ބޭފުންނަކީ އަމިއްލަ ގޮތުން ވާދަކުރައްވާ ކެންޑިޑޭޓުންނެވެ.
ކެންޑިޑޭޓް ނަންބަރު 1. އުމަރު ނަސީރު، ރަނިންމޭޓު އަހުމަދު ސަލީމް (އަމިއްލަ)
ކެންޑިޑޭޓް ނަންބަރު 2: ހަސަން ޒަމީލް، ރަނިންމޭޓު މަރިޔަމް އަލީމް (އަމިއްލަ)
ކެންޑިޑޭޓް ނަންބަރު 3: އިބްރާހިމް މުހައްމަދު ސޯލިހު، ރަނިންމޭޓު މުޙައްމަދު އަސްލަމް (އެމްޑީޕީ)
ކެންޑިޑޭޓް ނަންބަރު 4: ޑރ. މުހައްމަދު މުއިއްޒު، ރަނިންމޭޓު ހުސެއިން މުޙައްމަދު ލަތީފް (ޕީއެންސީ)
ކެންޑިޑޭޓް ނަންބަރު 5: ގާސިމް އިބްރާހިމް، ރަނިންމޭޓް ޑރ އަމީން އިބްރާހިމް (ޖޭޕީ)
ކެންޑިޑޭޓް ނަންބަރު 6: އަހުމަދު ފާރިސް މައުމޫން، ރަނިންމޭޓް ޑރ އަބްދުއްސައްތާރު ޔޫސުފް (އަމިއްލަ)
ކެންޑިޑޭޓް ނަންބަރު 7: އިލްޔާސް ލަބީބު، ރަނިންމޭޓު ހުސެއިން އަމްރު (ދަ ޑިމޮކްރެޓްސް)
ކެންޑިޑޭޓް ނަންބަރު 8: މުހައްމަދު ނާޒިމް، ރަނިންމޭޓު ޑރ އަހުމަދު އަދީލް ނަސީރު (އެމްއެންޕީ)
މިއަހަރުގެ އިންތިޚާބުގައި ވޯޓުލުމުގެ ޙައްޤުލި ބިފައިވަނީ 282،395 މީހަކަށެވެ. ރާއްޖެއާއި ރާއްޖެއިން ބޭރުގައި 574 ވޯޓު ފޮށި ބަހައްޓައެވެ. ވޯޓު ލުމުގެ ކަންކަން ހަވީރު 4 ގެ ފަހުން ނިމި ވޯޓު ފޮށިތައް ގުނަމުންދާ ވަރަކަށް، ނަތީޖާ އިޢުުލާންކުރަން ފަށާނެއެވެ. އަދި މިރޭ އިންތިޚާބުގެ ވަގުތީ ނަތީޖާއަކާ ހަމައަށް ދެވޭނެއެވެ.
މިލިޔުން ކިޔާލުމުން
