ރާއްޖެ ދޫކޮށް ފުރަން އުޅޭކަމަށް ބުނާ ވާހަކަތައް ޢިމްރާން ދޮގުކުރައްވައިފި!
ޢަދާލަތު ޕާރޓީގެ ރައީސް އަދި ހޯމް މިނިސްޓަރ ޢިމްރާން ޢަބްދުﷲ ރާއްޖެ ދޫކޮށް ފުރައިގެން ދާންއުޅޭކަމަށް ބުނެ، ތާއަބަދު ކެނޑިނޭޅި ދޮގުފަތުރާ ނޫހަކުން ލިޔެފައިވާ ޚަބަރަކީ އެބޭފުޅުންގެ ފިތުނަ ދޮލަނގަށް އިތުރުކުރި އައިޓަމެއް ކަމަށާއި އެއީ ކަނޑައެޅިގެން ހުރި ރޯމަރު ބުހުތާނު ދޮގެއް ކަމުގައި ޢިމްރާން ވިދާޅުވެއްޖެއެވެ.
ޢިމަރާން ޢަބްދުﷲ މިފަދައިން ވިދާޅުވެފައި ވަނީ މިރޭ ސޯޝަލް މީޑިއާގައި ކުރެއްވި ޕޯސްޓެއްގައެވެ. ރިޔާސީ އިންތިޚާބުގެ ފުރަތަމަ ބުރުގައި ރައީސް އިބޫ ޞާލިޙަށް ލިބުނު ނާކާމިޔާބީއަށް ފަހު ޢިމްރާން ގެންދެވީ ވަރަށް ވަރުގަދައަށް ކެމްޕެއިން ކުރައްވަމުންކަން ފާހަގަ ކުރެވެއެވެ.
މާދަމާ ރިޔާސީ އިންތިޚާބުގެ ދެވަނަ ބުރުގެ ވޯޓުލުން އޮންނަ އިރު، ބަލިވާނެތީ ޢިމްރާން ފިއްލަވަން އުޅޭކަމުގައި ބުނެ މީސް މީޑިއާގައިވެސް މިއަދު ވަނީ އެކި ވާހަކަތައް ދައުރުވެފައެވެ.
އަޅުގަނޑު ރާއްޖެ ދޫކޮށް ފުރައިގެން ދާންއުޅޭކަމަށް ބުނެ ތާއަބަދު ކެނޑިނޭޅި ދޮގުފަތުރާ ނޫހަކުން ލިޔެފައިވާ ޚަބަރަކީ އެބޭފުޅުންގެ ފިތުނަ ދޮލަނގަށް އިތުރުކުރި އައިޓަމެއް. ކަނޑައެޅިގެން ހުރި ރޯމަރު ބުހުތާނު ދޮގެއް!
— Imran Abdulla (@ShimranAb) September 29, 2023
މިލިޔުން ކިޔާލުމުން
