ރާއްޖޭގައި ފުރަތަމަ ފަހަރަށް ސައިކަލް ޓެކްސީގެ ޚިދުމަތް ތަޢާރަފް ކޮށްފި
މިކަމަށްޓަކައި އަލިމަސް ކާނިވަލް ސަރަހައްދުގައި މިއަދު ބޭއްވި ޚާއްޞަ ރަސްމިއްޔާތު ޝަރަފްވެރިކޮށްދެއްވާ މި ޚިދުމަތް ފައްޓަވައިދެއްވީ އެކޮނޮމިކް މިނިސްޓަރ މުޙައްމަދު ސަޢީދެވެ.
ސްކޫޓެކްސީގެ ފަރާތުން މި ޚިދުމަތް ފެއްޓި އިރު، މިވަގުތު ކުރިއަށް ގެންދިއުމަށް ނިންމާފައިވަނީ އަޖުމަބެލުމުގެ ދަތުރުތަކެއް ކަމަށް އެ ފަރާތުން މަޢުލޫމާތުދެއެވެ.
ދެ ޖިންސުގެ ޑްރައިވަރުންވެސް ހިމަނައިގެން ސްކޫޓެކްސީ އިން މި ޚިދުމަތް ހޯދުމަށް ބޭނުންވާ ފަރާތްތަކުން ގުޅުމަށް 4 އަކުރުގެ ނަމްބަރެއްވެސް ވަނީ ތަޢާރަފް ކޮށްފައެވެ. އެހެންނަމަވެސް އެ ނަމްބަރ އެކްޓިވޭޓްވާން ހަފްތާއެއްހާދުވަސް ނަގާނެ ކަމަށާއި ޚިދުމަތަށް ވަކިން ޓެކްސީ ސެންޓަރެއްވެސް ހުންނާނެ ކަމަށްވެސް ސްކޫޓެކްސީ އިން ބުންޏެވެ.
ސްކޫޓެކްސީ އިންބުނީ އެންމެބޮޑު އިސްކަމެއްދޭނީ ވީހާވެސް ރަނގަޅަށް ޚިދުމަތް ފޯރުކޮށްދިނުމަށް ކަމަށެވެ.
މި ޚިދުމަތަށް ދަތުރަކަށް 10 ރުފިޔާ މިވަގުތު ނެގިނަމަވެސް ކުރިއަށްއޮތް ތާނގައި މީޓަރ ބަހައްޓައިގެންް ދަތުރު ކުރުމަށް ނިންމާފައިވާ އިރު، ލިބޭ ތަރުހީބަށް ބަލައި ޓެކްސީ ކުރާ އުޅަނދު ގިނަކުރުމަށްވެސް ވަނީ ސްކޫޓެކްސީ އިން ނިންމާފައެވެ.