ދުވުމަކީ ވަކި ހެދުމެއް އަޅައިގެން ނޫނަސް ކުރެވިދާނެ ކަމެއްކަން މި ދުވުންތެރިޔާ ދައްކައިދީފި
ދުވަންދާ ވާހަކަ ކަނބަލެއް ގާތު ބުނާ އިރަށް އެންމެ ފުރަތަމަވެސް ބުނާނީ ލާނެ ހެދުމެއްގެ ވާހަކައެވެ.
ޢާންމުކޮށް ދުވާ ކަނބަލުން ބޭނުންކުރަނީ ތަންކޮޅެއް ކުރުކޮަށް ހުންނަ ހެދުމެވެ. އެހެންކަމުން ގިނަ ބަޔަކަށް ހީވެފައި ނުވަތަ ޤަބޫލުކުރެވިފައި އޮންނަނީ ދުވާނަމަ ލާންޖެހޭނީ އެކަހަލަ ހެދުމެއް ކަަމަށެވެ.
ނަމަވެސް މި މާރޗު މަހުގެ 1 ވަނަ ދުވަހު ޓޯޓަލް ފިޓްނެސް ގްރޫޕުން ކަނބަލުންނަށް ޚާއްޞަކޮށްގެން ބޭއްވި “ރަނިންރަން” ގައި އެންމެންގެ ސަމާލުކަންވެސް ހުއްޓިގެން ދިޔައީ މިފަދަ ހަރަކާތުން ނުފެންނަ ޒާތުގެ ހެދުމެއް ލައިގެން ދިވެހި ކަނބަލަކު ދުވުމުންނެވެ. ވާނީވެސް އެހެންތާއެވެ. މިއީ މިފަދަ ހަރަތާކެއްގައި މުޅިން އަލަށް ފެނުނު ހެދުމެކެވެ.
ޓީއެފްޖީ އިން މުޅިން އަލަށް ބޭއްވި ހަރަކާތް ޚާއްޞަވީ މުޅިން އަލަށް މިފަދަ ހެދުމެއްގައި ކަނބަލަކު ދުވުމުން އެކަންޏެއް ނޫނެވެ. އެ ކަނބަލުގެ މި ދުުވަމަކީ، އެ ދުވުންތެރިޔާ މިފަދަ ހަރަކާތެއްގައި ނުވަތަ ރޭހެއްގައި ދުވި ފުރަތަމަ ފަހަރަަށްވެސްވީމައެވެ.
ކޮންމެއަކަސް އެ ދުވުންތެރިޔާއަކީ ކޮން ކަނބަލެއްކަން ނޭނގުނަސް، މާސްމީޑިއާގައި އެ ދުވުންތެރިޔާގެ ފޮޓޯ ވަނީ ޚާއްޞަ ދަރަޖައެއް ހޯދާފައެވެ. ލާ ހެދުމެއްގެ ސަބަބުން ދުޅަހެޔޮ ސިއްޙަތެއްގައި ހުރުމަށް ބޭނުންވާ ކަސްރަތާއި މިފަދަ އިވެންޓުތަކުގައި ބައިވެރިވުމަކީ ވަކި ބައެއްގެ ކަމަކަށް އޮތް އޮތުން މިވަނީ ނިމުމަކަށް ގެނެސްފައެވެ.
އާއެކެވެ. ކަސްރަތުކޮށް ދުޅަހެޔޮ ސިއްހަތެއްގައި ހުރުމަށް ބޭނުންވާ ކަންކަން ކުރުމަކީ ހަމަކޮންމެ މީހަކަށްވެސް އޮތް ޙައްޤެކެވެ. ރަނިންރަންގައި ދުވި މި ކަނބަލަށް ފަށްފަށުން ޝުކުރިއްޔާއެވެ. އުއްމީދަކީ މިފަދަ އިތުރު ދުވުންތެރިން ކުރިއަށް އޮތް މިފަދަ ހަރަކާތްތަކުގައި ފެނިގެން ދިއުމެވެ.
ހިއްވަރާއެކު މަސައްކަތް ކޮއްފިއްޔާ ކާމިޔާބުވާނެ
ތިއީ ހަމަ ނަމޫނާ މަންޖެ އެއް
މޫނު އަޅަިގެން ދުވީމަ ނޭވާ ހާސް ނުވޭތަ؟ ޓެސްޓް ކޮއްލަންވީ ދޯ
ވަރަށް ހިތްވަރު ގަދަ ކަނބަލެއް… ތިޔަ ދުވުން ބޭއްވި ބަޔަކަށް ވަރަށް ބޮޑަށް ޝުކުރު އަދާކުރަން. ހުސް އަންހެނުންނަށް ގިނަ ގިނައިން މިކަހަލަ އެއްޗިހި ބާއްވާ ސަޅިވާނެ.
ސާބަސް ދަރިޔާ ސާބަސް، ފިސާރި ކަނބަލެއް
ސާބަސް ކަމަނާ.. ތިޔަ ދެއްކީ ވަރަށް ފުރިހަމަ ނަމޫނާއެއް….