މޯލްޑިވްސް އިންޓަރނޭޝަނަލް މެރަތަންގެ 2 ކެޓަގަރީއަކުން ބީބީ ރަނަރސް 1 ވަނަ ހޯދައިފި
މޯލްޑިވްސް އިންޓަރނޭޝަނަލް މެރަތަންގެ 2 ކެޓަގަރީއަކުން ބީބީ ރަނަރސް 1 ވަނަ ހޯދައިފިއެވެ.
ބީބީ ރަނަރސް އިން އެއްވަނަ ހޯދި ހާފު މެރަތަން އާއި 10 ކިލޯ މީޓަރުގެ ދުވުމުގައެވެ.
ހާފު މެރަތަން ނުވަތަ 21 ކިލޯ މީޓަރުގެ ދުވުމުގައި ދުވެ، ރާއްޖޭގެ އެތްލެޓިކްސް ޓީމުގެ އެސިސްޓެންޓް ކޯޗު އަހްމަދު ނިޒާމު 1 ވަނަ ހޯދީ 1 ގަޑި 28 މިނެޓު 24 ސިކުންތުން ނިންމައިގެންނެވެ. އަދި 10 ކިލޯ މީޓަރުގެ ދުވުމުގައި ފުވައްމުލައް ސިޓީގެ ސުނާން އަޙްމަދު 1 ވަނަ ހޯދީ 41 މިނެޓް 47 ސިކުންތުން ރޭސް ނިންމައިގެންނެވެ.
މީގެ އިތުރުން ފުލް މެރަތަންގައި މުޙައްމަދު އަފްރާޙް ވަނީ އެ ކެޓަގަރީގެ 9 ވަނައަށް ރޭސް ނިންމާފައެވެ. އޭނާ ރޭސް ނިންމާފައިވަނީ 4 ގަޑި 43 މިނެޓް 48 ސިކުންތުންނެވެ.
ބީބީ ރަނަރސްއަކީ ދުޅަހެޔޮ ސިއްހަތެއްގައި ހުރުމަށް ބޭނުންވާ ކަސްރަތު ޚާއްޞަކޮށް ދުވުމުގައި އެހީތެރިކަން ދިނުމަށް އުފައްދާފައިވާ ގްރޫޕެކެވެ. އެ ގްރޫޕުން އެ ޚިދުމަތް ދެނީ އެއްވެސް ފީއެއްނުނަގައެވެ.
ސާބަހޭ ބީބީ ތިޔަދައްކާ ނަމޫނާ އަށް…. ޚާއްސަކޮށް ވަނަ ހޯދި 2 ކުދިންނަށް މަރުހަބާ