މަޖްލިސް 2019: އިންތިޚާބުވި އާ މެމްބަރުން ހުވާކުރުން އަންނަ މެއި މަހު ފަހުކޮޅުގައި
ނިމިދިޔަ މަޖިލިސް އިންތިހާބުގައި ކާމިޔާބު ހޯއްދެވި ބޭފުޅުން މަޖިލިސް މެމްބަރުކަމުގެ ހުވާ ކުރުމުގެ ރަސްމިއްޔާތު އަންނަށް މޭ މަހު ފަހުކޮޅުގައި ބާއްވަން ރައްޔިތުންގެ މަޖިލީހުން ނިންމައިފި އެވެ.
މަޖިލީހުގެ ޤަވާއިދު ބުނާ ގޮތުން ދެ ވަނަ ދައުރުގެ ޖަލްސާތައް ފަށާނީ އާ މެމްބަރުންނާއެކު އަންނަ ޖޫން މަހު އެވެ. އަދި މަޖިލިސް ޤަވާއިދުގައި ބުނާގޮތުން މި ހިނގާ އޭޕްރީލް މަސް ނިމުމުން 2014 ވަނަ އަހަރު މަޖްލީހަށް އިންތިޚާބުވެފައިވާ މެމްބަރުން ވަޑައިގަންނަވާނީ ޗުއްޓީއަށެވެ. އަދި އެހާ ހިސާބުން 2014 ވަނަ އަހަރު މަޖިލިސް މެމްބަރުކަމަށް ހޮވި ވަޑައިގެންފައިވާ ފަރާތްތަކުގެ ދައުރު ހަމަވީ އެވެ.
އިއްޔެ ބޭއްވި މަޖިލިސް އިންތިހާބުގެ ވަގުތީ ނަތިއްޖާ ދައްކާ ގޮތުން މިހާތަނަށް އެންމެ ގިނައިން ގޮޑި ލިބިފައިވަނީ ވެރިކަން ކުރާ ޕާޓީއެމްޑީޕީ އަށެވެ. އެގޮތުން އެމްޑީޕީއަށް 67 ގޮނޑި ލިބިފައިވެއެވެ.
އެންމެ އާބަދީ ބޮޑު މާލޭ ސިޓީ، އައްޑޫ ސިޓީ އާއި ފުވައްމުލަކުގެ މެޖޯރިޓީވެސް ލިބިގެން ދިޔައީ އެމްޑީޕީ އަށެވެ. މީގެ ކުރިން ބޭއްވި ދެ މަޖިލިސް އިންތިހާބުގައި އެމްޑީޕީ އަށް ކުރިމަތިލާން ޖެހުނީ ނާކާމިޔާބީއާއި އެވެ.
މިލިޔުން ކިޔާލުމުން
