މުއްދު ދިނުމަށް ރަނުގެ ފުރުސަތެއް
އެކި ސަބަބު ތަކާއިހުރެ ރަމަޟާން މަހު ނުހިފި ހުރި ރޯދަތަކަށް ކައްފާރާ ދިނުމަށް ފަސޭހަގޮތެއް އެހީ ޖަމިއްޔާއިން ވަނީ ތަޢާރަފު ކޮށްފައެވެ. ނުހިފިހުރި ރޯދަތަކަށް ކައްފާރާ ދިނުމުގެ ކަންތަކުގައި ޢަމަލުކުރާނެ ލުއި ފަސޭހަ ގޮތެއްގެ އިންތިޒާރުގައި ތިބި ގިނަ ބަޔަކަށް މިއީ ލިބިގެންދިޔަ ވަރަށް ބޮޑު ފަސޭހައެކެވެ. މި ޕްރޮޤްރާމަކީ ކޮވިޑް-19 އާއި ގުޅިގެން ދިވެހިރާއްޖޭގައި ދިރިއުޅޭ ބިދޭސީންނަށް އެހީވުމަށް ”އެހީ ޖަމިއްޔާ“އާއި ”ވެލްނެސް އެސޯސިއޭޝަން“ އަދި ”އެކްސްޕެކްޓް ސަޕޯޓް ވައިބާ ކޮމިއުނިޓީ (ބައި ރީނާ)“ ގުޅިގެން ކުރިޔަށް ގެންދާ ޕްރޮޖެކްޓަށް އިތުރު ކުރެވޭ ބޮޅެކެވެ.
ކޮވިޑް އިޖާބަ ނަމުގައި ކުރިޔަށް ގެންދާ ޕްރޮޖެކްޓްގެ ދަށުން އެހީއަށް ބޭނުންވެފައިވާ ބިދޭސީއިންނަށް ކޮއްތު ހަމަޖައްސައިދިނުމުގެ ފުރުސަތު މިހާރު ވަނީ ޢާއްމު ކޮށް އެންމެނަށް ހުޅުވާލާފައެވެ. ”އެހީ ޖަމިއްޔާ“އިން މަޢުލޫމާތުދޭގޮތުގައި ރަމަޟާން މަހު އެކި ސަބަބު ތަކާއިހުރެ ނުހިފޭ ރޯދަތަކުގެ ކައްފާރާގެ ގޮތުގައި ކޮއްތު ދޭން ބޭނުންވާ ބޭފުޅުންނަށް މިއީ ވަރަށް ރަނގަޅު ފުރުސަތެކެވެ. މި ޕްރޮގްރާމްގެ ދަށުން ބިދޭސީއެއްގެ 3 އިރުގެ ކޮއްތު ފޯރުކޮށްދެވޭ ޕެކޭޖުގެ ޖުމުލަ އަގަގީ 75 ރުފިޔާއެވެ. އެހީ ޖަމިއްޔާއިން ވަނީ ކައްފާރާގެ ގޮތުގައި ކޮއްތު ފައިސާ ދޭން ބޭނުންވާ ބޭފުޅުން އެހީ ޖަމިއަޔާގެ އެކައުންޓް 7770000014820 އަށް ފައިސާ ޖަމާކުރުމަށާއި އަދި ޖަމާކުރި ފައިސާގެ ރަޝީދު، އެޖަމިއްޔާގެ ވައިބާ ނަންބަރު 7803433 އަށް ފޮނުވައިދިނުމަށް އެދިފައެވެ.
ކޮވިޑް އިޖާބައިގެ ނަމުގައި ކުރިޔަށް ގެންދާ ޕްރޮޖެކްޓްގެ ދަށުން ފުރަބަންދުގެ ހާލަތާއި ގުޅިގެން ހާލުގައި ޖެހިފައިވާ އާއިލާތަކަށާއި ބިދޭސީންނަށް ކާބޯޓަކެތީގެ ޕެކޭޖްތައް އަދި ކާބޯތަކެތީގެ ޕާރިސަލްތައް ފޯރުކޮށްދިނުމުގެ މަސައްކަތް އަންނަނީ ކުރަމުންނެވެ.
އެހީ ޖަމިއްޔާއިން މަޢުލޫމާތުދޭގޮތުގައި މި ޕްރޮޖެކްޓަކީ ވަރަށް ކާމިޔާބު ޕްރޮޖެކްޓެކެވެ. މީގެއިތުރުން، ކޮވިޑް-19 ގެ ހާލަތާއި ގުޅިގެން އެހީއަށް ބޭނުންވެފައިވާ ގިނަ އާއިލާތަކަށާއި އަދި ގިނަ އަދަދެއްގެ ބިދޭސީއިންނަށް އެހީތެރިކަން ފޯރުކޮށްދެވި އަދިވެސް ކުރިއަށް ގެންދާކަމަށް އެ ޖަމިއްޔާއިން ހާމަކުރެއެވެ.
”އެހީ ޖަމްޢިއްޔާ“އަކީ ދިވެހިރާއްޖޭގައި އުފެދުނު އިންސާނިއްޔަތަށް މަސައްކަތްކުރާ ފުރަތަމަ ޖަމްޢިއްޔާއެވެ. މިއީ 2012ވަނަ އަހަރު ދިވެހި ސަރުކާރުގައި ރަޖިސްޓަރ ކޮށްފައިވާ ޖަމްޢިއްޔާއެކެވެ. މި ޖަމްޢިއްޔާ އިން އަންނަނީ ހާލުގައިޖެހިފައިވާ ގިނަ ފަތާރް ތަކަކަށް އެހީތެރިކަން ފޯރުކޮށްދެމުންނެވެ.
އެހީ ޖަމިއަޔާގެ އެކައުންޓް
7770000014820
މިލިޔުން ކިޔާލުމުން
