ފުވައްމުލަކު މިސްކިތްތަކުގައި ޖަމާޢަތް ހެދުން ވަޤުތީ ގޮތުން ހުއްޓާލި މުއްދަތު އިތުރު ކޮށްފި
ކޮވިޑުގެ ޙާލަތު މިވަގުތު ފުވައްމުލަކުގައި ގޯސްވެފައިވާތީ ފުވައްމުލަކު ސިޓީގެ މިސްކިތްތަކުގައި ޖަމާޢަތް ހެދުން ވަގުތީ ގޮތުން ހުއްޓާލި މުއްދަތް އިތުރުކޮށްފިއެވެ. މިނިސްޓްރީ އޮފް އިސްލާޟިކް އެފެއާޒުން ވަނީ މިކަމާ ގުޅިގެން ސާކިއުލާ ސާކިއުލާއެއް ނެރެފައެވެ.
މި ސާކިއުލާގައިވާގޮތުން މި ފިޔަވަޅު އަޅާފައިވަނީ ފުވައްމުލަކު ސިޓީ މޮނިޓަރިންގެ ޙަލަތަށް ނެގެސްފައިވާތީ އާއި ކޮވިޑުގެ ޙާލަތު އިތުރަށް ގޯސްވަމުންދާ ކަމަށް ކަމާބެހޭ އިދާރާތަކުން މަޢުލޫމާތުދޭތީ މިހާރުގެ ޙާލަތަށް ރިޢާޔަތްކޮށް ޙާލަތު އިތުރަށް ގޯސްވިޔަ ނުދިމަށް ކުރެވޭމަސައްކަތެއްގެ ގޮތިގައެވެ.
މިސްކިތުގައި ޖަމާޢަތް ނުހެދިކަމުގައިވިޔަސް ފަރުޟު ނަމާދުތައް ބަރާބަރަށް އަދާކުރުމަށްވެސް މި ސާކިއުލާގައި ވަނީ ބާރުއަޅާފައެވެ.
ސާކިއުލާގައިވާ ގޮތުން ފުވައްމުލަކު ސިޓީގެ މިސްކިތްތަކުގައި ޖަމާޢަތްހެދުމުގެ މުއްދަތު އިތުރި ކޮށްފައިވަނީ 20 ފެރުވަރީ 2021 ވާ ހޮނިހިރު ދުވަހުގެ ފަތިސް ނަމާދުން ފެށިގެން 26 ފެބްރުވަރީ 2021 ވާ ހުކުރު ދުވަހުގެ ޢީޝާ ނަމާދުގެ ނިޔަލަށެވެ.
މިޙާލަތުގައި މިސްކިތްތަކުގައި ގޮވާ ބަންގީގެ ފަހަތަށް ”صلو في بيوتكم “ މި ފަދައިން ދެފަހަރު ގޮވުމަށްވެސް އިސްލާމިކް މިނިސްޓްރީގެ ސާކިއުލާގައިވަނީ އަންގާފައެވެ.
މީގެ އިތުރުން ކަމާބެހޭ ފަރާތްތަކުން ދޭ އިރުޝާދާ އެއްގޮތަށް ފުރިހަމަ އަށް ޢަމަލު ކުރުމަށާއި، މާތް ﷲ ގެ ރަޙުމަތުން މާޔޫސްނުވުމަށާޢި ސަބަބުތަކުގައި ހިފާ މާތް ﷲއަށް ވަކީލު ކުރުމަށް ނަޞީޙަތް ދީފައިވެއެވެ.
މިލިޔުން ކިޔާލުމުން
