ހެލްތު މިނިސްޓަރ މ. އަތޮޅަށް ވަޑައިފެންފި

މިނިސްޓަރ އޮފް ހެލްތު އަޙުމަދު ނަސީމް މ. އަތޮޅަށް މިއަދު ވަޑައިގެންފި އެވެ.

ހެލްތު މިިނިސްޓްރީން ބުނީ އެމަނިކުފާނުގެ މި ދަތުރުފުޅަކީ ރަސްމީ ދަތުރުފުޅެއް ކަމަށެވެ.

އިޝްތިހާރު

މިނިސްޓަރގެ މިދަތުރުފުޅަކީ، މ. އަތޮޅުގެ ބައެއް ރަށްތަކުގެ ޞިއްހީ މަރުކަޒުތަކާއި އަދި ރީޖަނަލް ހޮސްޕިޓަލްގެ ކަންކަން ބައްލަވާލައްވައި، މިހާރު ސިއްޙީ ޚިދުމަތްދޭ މަރުކަޒުތަކުގައި ކުރެވެމުންދާ އުމްރާނީ މަސައްކަތްތަކާއި މުވައްޒަފުންނަށް ހުރި ދަތިކަންކަމުގެ މަޢުލޫމާތު ހޯދުމަށް ކުރައްވާ ދަތުދުފުޅެކެވެ.

މިދަތުރުފުޅުގައި ވަގުތު ތަންދޭ މިންވަރަކުން ދިއްގަރު، މަޑުއްވަރި، މުލައް، މުލި އަދި ނާލާފުއްޓަށް ވަޑައިގަތުމަށް ވަނީ ނިންމާފަ އެވެ.

ދިއްގަރު، މަޑުއްވަރީގެ ހެލްތް ސެންޓަރ އަޕްގްރޭށްކުރުމަށް ކުރަންޖެހޭ ކަންކަން ބައްލަވާލައްވައި، މިވަގުތު އިސްކަމެއް ދެއްވައިގެން މުލަކުގައި އަލަށް އިމާރާތް ކުރުމަށް ހަމަޖެހިފައިވާ އެކްސްޓެންޝަން އިމާރާތް ފެށުމަށް ކުރަންޖެހޭ ކަންކަން ބައްލަވާލައްވާފައިވެއެވެ.

މި އިމާރާތް ބޭނުން ކުރުމަށް ހަމަޖެހިފައިވަނީ ޕަބްލިކް ހެލްތުގެ ކަންކަން އިތުރަށް ފުޅާކުރުމަށާއި އޮފީސް އިމާރާތުގައި މިހާރުހުރި ޖާގައިގެ ދަތިކަން ހައްލުކުރުމަށާއި ލޯންޑްރީ، ސްޓޮކްރޫމް އަދި ގަރާޖެއް ހެދުމަށެވެ.

ސަރުކާރުން ވަރަށް ޚާއްސަ އިސްކަމެއް ދެއްވައިގެން ދުނިޔޭގެ ޞިއްޙަތު ދުވަސްކަމުގައިވާ 7 އޭޕްރީލް 2021ގައި ”ޕްރައިމަރީ ހެލްތް ކެއަރ އާދިރުމެއް“ މިނަމުގައި މުޅި ރާއްޖޭގައި ޕްރައިމަރީ/ ޕަބްލިކް ހެލްތްގެ ކަންކަން ރީވައިޓަލައިޒްކުރުމަށް ޕްރޮގްރާމެއްވަނީ ފައްޓަވާފައެވެ.

މިދަތުރުފުޅު ނިންމަވާލައްވާނީ ނާލާފުށި އަދި މުލީ ރީޖަނަލް ހޮސްޕިޓަލަށް ވަޑައިގެން އެތަންތަނުގައި ކުރެވެމުންދާ މަސައްކަތްތައް ބައްލަވާލެއްވުމަށް ފަހުއެވެ.

މި ދަތުރުފުޅުގައި މިނިސްޓަރގެ އަރިހުގައި ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އިކްރާމް ޙަސަން އާއި މިނިސްޓްރީ އޮފް ހެލްތުގެ ސީނިއަރ އެގްޒެކެޓިވް ޑައިރެކްޓަރ ޢަބްދުލް ހަންނާނު ހުޞައިން އާއި ސީނިއަރ ޕްރޮޖެކްޓް އޮފިސަރ ޢަބްދުﷲ އާރިޒް ބައިވެރިވެ ވަޑައިގެންނެވިއެވެ.