މަތިވެރިން ކޮވިޑަށް ޕޮޒިޓިވް ވި މީހުންގެ ޢަދަދު 100 އިން މައްޗަށް އަރައިފި

އއ. މަތިވެރިން ކޮވިޑަށް ޕޮޒިޓިވް ވި މީހުންގެ ޢަދަދު 100 އިން މައްޗަށް އަރައިފި އެވެ.

އެރަށު ސިއްހީ މަރުކަޒުން ބުނީ މިހައިތަނަށް 107 މީހުން އެރަށުން ޕޮޒިޓިވް ވެފައިވާ ކަމަށެވެ.

އިޝްތިހާރު

އެރަށް މިހާރުވަނީ މުޖުތަމަޢުގެ ތެރޭގައި ބަލި ފެތުރިފައިވާތީ މޮނިޓަރިންގެ ޙާލަތަށް ގެނެސް ރަށަށް އަރާ ފޭބުން މަނާކޮށްފަ އެވެ.

މަތިވެރިން ކޯވިޑް-19އަށް ބަޔަކު ފުރަތަމަ ޕޮޒިޓިވްވީ ބަލީގެ އަލާމާތްތައް ފެނިގެން ޓެސްޓުކުރުމުން ނެވެ.

ކޮންޓެކްޓް ޓްރޭސިންގެ މަސައްކަތްތައް ވެސް އެރަށުގައި މިހާރު ކުރިއަށްދާއިރު، މިހާތަނަށް ޕޮޒިޓިވްވި ކޭސްތަކާއި ގުޅިގެން ރަށުގެ އެތައް ގެއެއްވަނީ ކަރަންޓީންކޮށްފަ އެވެ.

މަތިވެރި މޮނިޓަރިންގެ ޙާލަތަށް ގެނެސް ރަށަށް އަރާ ފޭބުން މަނާކޮށްފައިވާއިރު، އެ ރަށުގައި މިހާރުވަނީ ރައްކާތެރިކަމުގެ ފިޔަވަޅުތައް ވަރުގަދަކޮށްފައެވެ.

އެގޮތުން ކޮންމެހެން ނިކުންނަން ޖެހިއްޖެ ޙާލަތެއްގައި މެނުވީ ބޭރަށް ނިކުމެ އުޅުންވަނީ މަނާކޮށްފައެވެ.

އެރަށު ސިއްހީ މަރުކަޒުން ބުނީ ރޯގާގެ އަލާމާތްތައް ހުރެގެން ޑޮކްޓަރަށް ދައްކާ މީހުންގެ ޢަދަދު އިތުރުވެފައިވާ ކަމަށެވެ.