ޔުނައިޓެެޑާއި ލިވަޕޫލް ކުޅެން ހަމަޖެހިފައިވާ މެޗު މިމަހުގެ 13 ވަނަ ދުވަހަށް ތާވަލުކޮށްފި

އިނގިރޭސި ޕްރިމިއަރ ލީގުގަައި މެންޗެސްޓަރ ޔުނައިޓެޑާއި ލިވަޕޫލް ބައްދަލުކުރާ މެޗު މިމަހުގެ 13 ވަނަ ދުވަހު ކުޅުމަށް  ތާވަލުކޮށްފި އެވެ.

މި މަހުގެ 13 ވަނަ ދުވަހަށް މި މެޗު ތާވަލް ކުރިއިރު، މި މެޗަކީ މިދިޔަ ހަފްތާ އާދިއްތަ ދުވަހު ކުޅުމަށް ތާވަލް ކޮށްފައިވާ މެޗެކެވެ. މި މެޗު ފަސްކުރީ ޔުނައިޓެޑުގެ ސަޕޯޓަރުން ސްޓޭޑިއަމް ތެރެއަށް ވަދެ ހަޅުތާލުކޮށް ތަކެއްޗަށް ގެއްލުން ދިނުމާއި ގުޅިގެންނެވެ.

އިޝްތިހާރު

މެންޗެސްޓާ ޔުނައިޓެޑުގެ ސަޕޮޓަރުން ހަލުތާލު ކޮށްފައިވަނީ ޔުނައިޓެޑުގެ ހުރިހާ މިލްކިއްޔާތެއް އެބައެއްގެ ދަށުގައިވާ ”ގްލޭޒަރ ފެމިލީ“ އެ ކުލަބުން ބޭރުވުމަށް ގޮވާލަމުންނެވެ. މީގެ އިތުރުން ސަޕޯޓަރުން ގޮވާލަނީ ގްލޭޒަރ ފެމިލީން ޔުނައިޓެޑް އެއްކޮށް ދޫކޮށްލުމަށާއި ކުލަބުގެ ހިއްސާ އެއްވެސް ފަރާތަކަށް ނުވިއްކުމަށެވެ.

ޔުނައިޓެޑުގެ ސަޕޯޓަރަުން ކުރި މި ހަލުތާލުގައި އެފަރާތުން ވަނީ ޔުނައިޓެޑުގެ ސްޓޭޑިއަމަށް ބޮޑެތި ގެއްލުންތަކެއް ދީފައެވެ. އެގޮތުން ދަނޑުގެ އެކި ހިސާބުތަކުގައި ބަހައްޓާފައިވާ ބައެއް ގޮނޑިތަކާއި ގޯލް ދަނޑިއާއި ދާގަނޑުގެ އިތުރުން ބައެއް އެހެނިހެން ސާމާނުތަކެއް ވަނީ ބޭނުންނުކުރެވޭ ވަރަށް ހަލާކުކޮށްލާފައެވެ.

މި މައްސަލާގައި ޔުނައިޓެޑުގެ ކޯޗު ސޯލްޝެއާ ބުނީ ސަޕޯޓަރުންގެ އާދޭސް އަޑުއަހަންޖެހޭކަމަށާއި ހަލުތާލު ކުރުމަށް ކޮންމެ މީހެއްގެ ވެސް ހައްގެއް އޮންނަކަމަށެވެ. ނަމަވެސް އެކަން ކުރަން ޖެހޭނީ އޮންނަ އުސޫލުތަކުގެ ތެރެއިންކަމަށާއި މީހުންނާއި ތަކެއްޗަށް ގެއްލުން ދިނުމަކީ ބަލައިގަނެވޭނެ ކަމެއް ނޫންކަމަށެވެ.