ޗައިނާއިން ޖައްވަށް ފޮނުވާލި ރޮކެޓްގެ ބައިތައް ރާއްޖޭގެ ސަރަހައްދަށް ވެއްޓިއްޖެ
ޗައިނާއިން ޖައްވަށް ފޮނުވާލި ރޮކެޓްގެ ބައިތައް ރާއްޖޭގެ ސަރަހައްދަށް ވެއްޓިފައިވާ ކަމަށް ޗައިނާއިން ބުނެފި އެވެ.
ލޯންގް މާޗް ބީ5 ވައި2 ގެ ނަން ދީފައިވާ މި ރޮކެޓް ޗައިނާއިން ޖައްވަށް ފޮނުވާލީ މިދިޔަ މަހުގެ 29 ވަނަ ދުވަހުއެވެ.
ޗައިނާއިން ބުނީ ސްޕޭސް ސްޓޭނަށް ބޭނުންވާ މުހިންމު މަޢުލޫމާތުތަކެއް ހޯދުމަށް ފޮނުވާލި ވެއްޓިފައިވަނީ ދ. އަތޮޅުގެ ސަރަހައްދަށްކަމަށެވެ.
ޗައިނާއިން ޖައްވަށް ފޮނުވާލި ބިޔަ ރޮކެޓްގެ ދިގު މިނުގައި 108 ފޫޓު އަދި ބަރުދަނުގައި 40،000 ޕައުންޑު ހުރެއެވެ.
ލޯންގް މާޗް ބީ5 ވައި2 ރޮކެޓުގެ ބައިތަކެއް މިދިޔަ އަހަރު އައިވަރީ ކޯސްޓްގެ ސަރަހައްދަށްވެސް ވެއްޓި، ބޮޑެތި ގެއްލުންތަކެއް ވަނީ ވެފަ އެވެ. ނަމަވެސް އެއްވެސް މީހަކަށް ގެއްލުމެއް ލިބިފައެއް ނުވެއެވެ.
ޗައިނާއިން އެހެން ބުނެފައިވީނަމަވެސް ރާއްޖޭގެ ޤައުމީ ދިފާޢީ ބާރުން އަދި ވަކިއެއްޗެއް ހާމަނުކުރެއެވެ.
މިލިޔުން ކިޔާލުމުން
