ކަވާނީ ޔުނައިޓެޑްގައި އިތުރު އެއް އަހަރު މަޑުކުރަން ނިންމާ އެއްބަސްވުން އާކޮށްފި
މެންޗެސްޓާ ޔުނައިޓެޑާއެކު ހަދާފައި އޮތް އެއްބަސްވުން އެ ކުލަބަށް ކުޅެމުން އަންނަ އުރުގުއޭގެ ތަޖުރިބާ ފޯވާޑް އެޑިންސަން ކަވާނީ އާކޮށްފި އެވެ.
ކަވާނީ ޔުނައިޓެޑުގެ އެއްބަސްވުން އިތުރު އެއް އަހަރަށް އާކުރީ އިރު އޭނާ އެ ކުލަބުގައި 2022 ވަނައަހަރާއި ހަމައަށް މަދުކުރާނެއެވެ.
މިހާރު އުމުރުން 34 އަހަރުގެ ކަވާނީ ފްރާންސްގެ ޕީއެސްޖީ ދޫކޮށް ޔުނައިޓެޑާއި ގުޅުނީ 2020 ވަނަ އަހަރުއެވެ. ޔުނައިޓެޑަށް ބަދަލުވިފަހުން ކަވާނީ އަންނަނީ ޔުނައިޓެޑްގައި ރަގަޅު ކުޅުމެއް ދައްކަމުންނެވެ. އެންމެ ފަހުން ޔުނައިޓެޑަށް އޭނާ ކުޅުނު ހަތް މެޗުގައި އޭނާ ވަނީ އަށް ގޯލް ކާމިޔާބުކޮށްފަ އެވެ.
ކަވާނީގެ އެއްބަސްވުން އާކުރުމަށްފަހު މީޑިއާއާއި ވާހަކަ ދައްކަމުން ކަވާނީ ބުނީ އޭނާ ޔުނައިޓެޑް އަށް އައިފުރަތަމަ ދުވަހު ވެސް ޓީމުގެ ކޯޗު އެނާއަށް ކުރި އިތުބާރު ފާހަގަވި ކަމަށާއި އެ އިތުބާރާ އެކު ކުރިއަށްދާން ވަރަށް ފަސޭހަވަގެން ދިޔަކަމަށެވެ. އެހެންކަމުން އެންމެ ބޮޑު ޝުކުރެއް އޮތީ ކޯޗަށް ކަމަށްވެސް ކަވާނީ ބުނެފައިވެއެވެ.
މީގެ އިތުރުން ކަވާނީ ބުނީ، ކުލަބުގައި މަޑުކުރުމަށް ގިނަ އަދަދެއްގެ ސަޕޯޓަރުން ބޭނުންވާ ކަމަށާއި، އެހެން ކަމުން އެންމެ ބޭނުންވަނީ ސަޕޯޓަރުންގެ ކުރިމަތީގައި ކުޅުމަށް ކަމަށް ކަވާނީ ބުންޏެވެ.
ކަވާނީ ވަނީ މިހާތަނަށް ޔުނައިޓެޑަށް ކުޅެދިން 35 މެޗުގައި 15 ލަނޑު ޖަހައިފަ އެވެ.
މިލިޔުން ކިޔާލުމުން
