މާލެ ސަރަހައްދުގައި ކެފޭ ރެސްޓޯރެންޓް ފަދަ ތަންތަން ހަފްތާއަކަށް ބަންދުކުރަން ނިންމައިފި
ކޮވިޑް-19 އާ ގުޅިގެން މާލެ ސަރަހައްދުގެ ރެސްޓޯރެންޓްތައް ހަފްތާއަކަށް ބަންދު ކުރަން ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އަންގައިފިއެވެ.
ރާއްޖޭގައި ކޮވިޑްގެ ހާލަތު ގޯސްވެ އެކަން ހުއްޓުމަކަށް ގެނައުމަށް ގިނަ ފިޔަވަޅުތަކެއް ދަނީ އަޅަމުންނެވެ. އެގޮތުވން ކޮވިޑު ހުއްޓުވުމަށް އަޅާ ފިޔަވަޅެއްގެ ގޮތުން، މާލެ ސަރަހައްދުގައި ކެފޭ ރެސްޓޯރެންޓް ފަދަ، ކާބޯ ތަކެތީގެ ހިދުމަތްދޭ ތަންތަނުގެ އެތެރޭގައި ތިބެގެން ކެއިން ބުއިން ވަނީ މަނާކުރެވިފައެވެ. އެގޮތުން އެފަދަ ތަންތަނުން ދެވޭނީ ހަމަ އެކަނި ޑެލިވަރީ އަދި ޓޭކްއަވޭ ހިދުމަތް އެކަނި ކަމަށް އެޗްޕީއޭއިން ބުނެފައިވެއެވެ.
އެ އެންގުމުގައި ވާގޮތުން ޕޮލިސް ޕާރމިޓްއާއެކު މެންދަމު 12:00 ޖެހުމާއި ހަމައަށް ޑެލިވަރީ ހިދުމަތް ދިނުމަށް ފުރުސަތު ދޭނެއެެވެ. އަދި މި ގައިޑްލަންއާ ހިލާފުވާ ވިޔަފާރިތައް 24 ގަޑިިއިރަށް ބަންދު ކުރަން އަންގާފައި ވެއެވެ.
އެޗްޕީއޭއިން ވަނީ ހަފްތާއެއްގެ މުއްދަތަށް މާލޭ ސަރަހައްދުގެ މިސްކިތަތްކުގައި ޖަމާއަތް ހަދައިގެން ނަމާދު ނުކުރުމަށްވެސް އަންގާފައެވެ.
މިލިޔުން ކިޔާލުމުން
