މާދަމާ އަކީ ފިތުރު ޢީދު ދުވަސް – އެންމެނަށް ޢީދު މުބާރަކް

މިއަދަކީ ބަރަކާތްތެރި ރަމަޟާން މަހގެ އެންމެ ފަހު ދުވަހެވެ. އެހެން ކަމުން މާދަމާއަކީ މިއަހަރުގެ ފިތުރު ޢީދުގެ ފުރަތަމަ ދުވަހެވެ. އެންމެހާ މުސްލުމުންވެސް އަންނަނީ މި ދުވަހުގެ އުފާ ފާޅުކުރުމަށް ތައްޔާރުވަމުންނެވެ.

ރަމަޟާން މަސް ފަށާގޮތަށް ޢީދުވެސް ފަށާނީ، ހަނދަށް ބަލައިގެންނެވެ. ހަނދު ސާބިތުކުރުމަށް ފަހުއެވެ. އެގޮތުން ހަނދު ފެނިގެން ނުވަތަ ފަލަކީ ހިސާބުތަކަށް ބުރަވެ ގޮތެއް ނިންމަނީއެވެ.

އިޝްތިހާރު

ރާއްޖޭގެ އިތުރުން ސަޢޫދީ ޢަރަބިއްޔާ، ކުވައިތު، ޤަތަރު، ފަދަ ގައުމުތަކަށް ވެސް ޢީދު ވާނީ މާދަމައަށެވެ.

ފިޠުރު ޢީދުގެ އެންމެ ޚާއްސަ ކަމަކީ، ފިޠުރު ޒަކާތެވެ. ޒަކާތަކީ އިސްލާމްދީނުގެ ރުކުންތަކުގެ ތެރެއިން ތިންވަނަ ރުކުނެވެ. ފިޠްރު ޒަކާތް ފަރުޟު ކުރެއްވުނީ ރޯދައާއި އެކު، ހިޖުރައިން ދެވަނަ އަހަރުގައެވެ.

ރަސޫލާ صل الله عليه وسلم ބަޔާންކޮށްދެއްވާފައިވާ ގޮތުން ފިޠްރު ޒަކާތަކީ ރޯދަވެރިއާ، ރޯދައަށްހުރެ ކުރެވޭ ކުދި ކުށްތަކުން ރޯދައަށް ބުރާފައިވާ “ހިރަފުހުން“ އެ ސާފުކޮށްދޭ އެއްޗެކެވެ. އަދި ހަމައެހެންމެ މިއީ ރޯދަމަހު މުސްލިމުން، ފަޤީރުންގެ ކެކުޅުންތަކާއި، ބަނޑުހައިހޫނުކަން ދެނެގަނެ، އެކަން މުޖުތަމަޢުން ފޮހެލުމައްޓަކައި އަޅާ ފުރަތަމަ ފިޔަވަޅެވެ.

މިފަހަރުގެ ފިޠުރު ޢީދު އަޅުގަނޑުމެން އެންމެހާ ދިވެހީންނާއި މި ބައްދަލުުރީ ވަރަށް ވެސް ހާލަތު ގޯސް ދުވަސްވަރެއްގައެވެ. އެހެންކަމުން ކުރިން ޢީދުގެ އުފާ ފާޅުކުރަމުން އައިގޮތައް ކުލަގަދަ ހަރަކާތްތަކުން މިފަހަރުގެ ޢީދެއް ފާހަގައެއް ނުކުރެވޭނެއެވެ.

ސަބަބަކީ ރާއްޖެއަށް ފެތުރިފައިވާ ނުބައި ބަލިމަޑުކަން ކަމުގައިވާ ކޮވިޑް-19 އެވެ. މި ބަލި މަޑުކަމާއި ގުޅިގެން ރާއްޖޭގެ ގިނަ ރައްތަކެއް އޮތީ މިނިޓަރިންގެ ހާލަތުގައެވެ. ގޭންބޭރަށް ވެސް ނުނިކުމެވޭ ހާލަތުގައެވެ.

ރާއްޖެއާއި ދުނިޔޭގެ އެކި ކަންކޮޅުތަކުގައި ދިރިއުޅެމުން އަންނަ އެންމެހާ މުސްލިމު އަޚުންނާއި އުޚުތުންނަށް މި ބަރަކާތްތެރި އަދި އުފާވެރި ފިޠުރު ޢިދުގެ ހެ އެދުމާއި ތަޚްނިޔާ ފޮނުވަމެވެ.