ރައީސް ނަޝީދަށް ދިން ޙަމަލާ އެއްވެސް ސިފައެއްގައި ބަލައެއް ނުގަނެވޭނެ: ރައީސް ސޯލިހު
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް ދިން ޙަމަލާ އެއްވެސް ސިފައެއްގައި ބަލައެއް ނުގަނެވޭނެ ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިހު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ ދިވެހި ގައުމާއި މުޚާތަބު ކުރައްވާ މިރޭ ވާހަކަފުޅު ދައްކަވަމުން ނެެވެ.
ރައީސް ނަޝީދަށް ހަމަލާދިނުމުގެ އަޑީގައި ތިބިމީހުންވެސް އިންސާފުގެ ކުރިމައްޗަށް ގެންނާނަން ކަމަށާއި ހަމަލާގައި ބައިވެރިވި، 3 މީހުން ވަނީ ޤާނޫނުގެ ބާރުގެ ދަށަށް ގެނެވިފައި ކަމަށް އެމަނިކުފާނު ވިދާޅުވި އެވެ.
މިނިވަން ތަހުގީގަށްފަހު އެމީހުން އިންސާފުގެ ކުރިމައްޗަށް ހާޒިރު ކުރެވޭނެ ކަމަށާއި މިއީ ހަމައެކަނި 3 މީހުންނާއި ހަމައިން ނިމެނޭނެ ކަމެއްކަމަށް ދެކިވަޑައިނުގަންނަވާ ކަމަށް ވެސް ރައީސް ސޯލހު ވިދާޅުވި އެވެ. އަދި މިކަމުގެ އަޑީގައި ތިބިބަޔަކު އިންސާފުގެ ކުރިމައްޗަށް ގެންނާނެކަމަށް ރައީސް ވިދާޅުވި އެވެ.
މިލިޔުން ކިޔާލުމުން
