ކޮވިޑު ބަލީގައި ރާއްޖެއިން މިއަދު އަނެއްކާވެސް އިތުރު މަރެއް
ކޮވިޑު ބަލީގައި ރާއްޖެއިން މިއަދު އަނެއްކާވެސް އިތުރު މީހަކު ނިޔާވެއްޖެ އެވެ.
މިއީ މިބަލީގައި ރާއްޖެއިން މިއަދު ނިޔާވި 4 ވަނަ މީހާ އެވެ.
އެޗްޕީއޭ އިން ބުނީ މިއަދު 12:48 ގައި ނިޔާވެފައިވަނީ ޢުމުރުން 78 އަހަރުގެ ދިވެހި ފިރިހެނެއް ކަމަށެވެ.
މި ބަލީގައި މިއަދު ފުރަތަމަ ނިޔާވި ހުޅުމާލޭ މެޑިކަލް ފެސިލިޓީގައި ފަރުވާދެމުން ގެންދިޔަ 86 އަހަރުގެ ދިވެހި ފިރިހެނެކެވެ. އޭނާ ނިޔާވެފައިވަނީ ރޭ ދަންވަރު 02:24 ގައެވެ. އަދި މިބަލީގައި މިއަދު ދެން ނިޔާވެފައިވަނީ ވެސް ހުޅުމާލޭ މެޑިކަލް ފެސިލިޓިގައި ފަރުވާހޯދަމުން ދިޔަ އުމުރުން 64 އަހަރުގެ ދިވެހި ފިރިހެނެކެވެ. އޭނާ ނިޔާވެފައިވަނީ މިއަދު ހެނދުނު 06:30 ގައެވެ.
ކޮވިޑު ބަލީގައި މިއަދު 3 ވަނައަށް ނިޔާވީ ދަރުމަވަންތަ ހޮސްޕިޓަލުގައި ފަރުވާހޯދަމުން ދިޔަ ޢުމުރުން 86 އަހަރުގެ އަންހެނެކެވެ. އޭނާ ނިޔާވީ ހެނދުނު 09:05 ގަ އެވެ.
މިއަދުގެ4 މަރާއެކު ރާއްޖެއިން ނިޔާވި މީހުންގެ ޢަދަދު މިވަނީ 91 އަށް އަރާފަ އެވެ.
މިލިޔުން ކިޔާލުމުން
