އިޓާލިއަން ކަޕްގެ ތާރީޚަށް ކުރު ގޮތަކަށް ނަޒަރެއް!

މީގެ 98 އަހަރު ކުރިން، 1922 ވަނަ އަހަރު ތައާރަފުވެ ވުޖޫދުވި އިޓާލިއަން ކަޕް ނުވަތަ ކޮޕާ އިޓާލިއާ އަކީ ކޮންމެ އަހަރަކުވެސް ފުޓްބޯޅަ ސީޒަންގެ ތެރެއިން ކުޅެމުން އަންނަ މުބާރާތެކެވެ.

އިޝްތިހާރު

މިހާތަނަށް އިޓާލިއަން ކަޕުގެ 72 މުބާރާތެއް ކުޅެވިފައިވާއިރު، މި މުބާރާތް އެންމެ ގިނަފަހަރު ކާމިޔަބު ކުރުމުގެ ރެކޯޑް އޮތީ ޗެމްޕިއަން ޔުވެންޓަސް އަތުގައެވެ. އެގޮތުން މި މުބާރާތް 13 ފަހަރު ޔުވެންޓަސް ކާމިޔާބު ކޮށްފައިވެއެވެ.

މި މުބާރާތުގެ ފައިނަލް ގައި ވެސް އެންމެ ގިނައިން ކުޅެފައިވާ ޓީމަކީ ޔުވެންޓަސްއެވެ. އެގޮތުން ޔުވެންޓަސްއިން ވަނީ މި މުބާރާތުގެ ފައިނަލުގައި ޖުމްލަ 20 ފަހަރު ކުޅެފައެވެ.

މިއަހަރުގެ މި މުބާރާތުގެ ތަށި ކާމިޔާބު ކޮށްފިނަމަ މިއީ ޖެހިޖެހިގެން މި މުބާރާތް ޔުވެންޓަސްއިން ކާމިޔާބު ކުރާ ފަސްވަނަ ފަހަރަށް ވެގެންދާނެއެވެ.

ޔުވެންޓަސް އަށް ފަހު ދެވަނަ އަށް އެންމެ ގިނައިން މި މުބާރާތް ކާމިޔާބު ކޮށްފައިވަނީ ރޯމާއެވެ. ރޯމާ 9 ފަހަރެއްގެ މަތިން މި މުބާރާތުގެ ޗެމްޕިއަންކަން ހޯދާފައިވާއިރު، 17 ފަހަރު ފައިނަލުގައި ކުޅެފައިވެއެވެ. ތިންވަނައަށް އެންމެ ގިނައިން މި މުބާރާތުގެ ޗެމްޕިއަންކަން ހޯދާފައިވަނީ އިންޓަމިލާން އެވެ. އިންޓަމިލާނުންވެސް ވަނީ މި މުބާރާތުގެ ފައިނަލުގައި 13 ފަހަރު ކުޅެފައެވެ.

މި މުބާރާތުގައި އެންމެ ގިނަ މެޗު ކުޅުނުކަމުގެ ޝަރަފު ލިބިފައިވަނީ ރޮބާޓޯ މަންޗީނީ އަށެވެ.1981 އިން 2001 ވަނަ އަހަރާއި ހަމައަށް ކުޅުނުއިރު، 72 މެޗު އޭނާ ވަނީ ކުޅެފައެވެ. ރޮބާޓޯ މަންޗީނީ އަކީ މިހާރު އިޓަލީގެ ގައުމީޓީމުގެ ހެޑު ކޯޗެވެސް މެއެވެ.

މި މުބާރާތުގައި މިހާތަނަށް އެންމެ ގިނަ ލަނޑު ޖެހުމުގެ ރެކޯޑު އޮތީ އަލެސަންޑްރޯ އެލްޓަބެލީ ގެ އަތުގައެވެ.

އިޓާލިއަން ކަޕް ކާމިޔާބުކުރާ ޓީމެއް ޔޫރޮޕާ ލީގުކުޅުުމުގެ ފުރުސަތު ލިބިގެންދާނެއެވެ.