ގާދިއްފުށި ފެނާއި ނަރުދަމާ ނިޒާމްގެ މަސައްކަތައް ބޭނުންވާ ތަކެތި ސައިޓަށް ގެންގޮސްފި
ތ. ގާދިއްފުށީގެ ފެނާއި ނަރުދަމާގެ ނިޒާމް ޤާއިމްކުރުމުގެ މަޝްރޫޢުގެ ދަށުން، އެމަސައްކަތަށް ބޭނުންވާ ސާމާނު މިހާރު ޕްރޮޖެކްޓް ސައިޓަށް ގެންދެވިފައިވާ ކަމަށް އެމަޝްރޫޢުގެ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އިން ބުނެފިއެވެ.
އެކުންފުނިން ބުނެފައި ވަނީ، މެޓީރިއަލްސް ގެންދިއުމުގެ އިތުރުން ރަށުގައި ޕާކިންގ ޝެޑް ހެދުމުގެ މަސައްކަތުގެ ވެސް 95 އިންސައްތަ މަސައްކަތް މިހާރު ނިމިފައިވާ ކަމަށެވެ.
އިޝްތިހާރު 
އަދި މި މަޝްރޫޢުގެ ދަށުން 4070 މީޓަރުގެ ދިގު ނަރުދަމާ ވިއުގައެއް ޤާއިމުކުރުމާއި، ނަރުދަމާގެ ޕަމްޕް ސްޓޭޝަނުން 210 މީޓަރުގެ ހޮޅި ގުޅުމާއި، 2 ޕަމްޕް ސްޓޭޝަން ޤާއިމުކުރުމުގެ މަސައްކަތް ހިމެނޭ ކަމަށް ވެސް އެކުންފުނިން ވަނީ ބުނެފައެވެ.
ރައްޔިތުންގެ ކުންފުނިން ހިންގާ މި މަޝްރޫޢަކީ 20.9 މިލިއަން ރުފިޔާގެ މަޝްރޫޢެކެވެ.
މިލިޔުން ކިޔާލުމުން
