ކުޅުދުއްފުށި ހޮސްޕިޓަލް އޯޕީޑީގެ 53 އިންސައްތަ މަސައްކަތް ނިމިއްޖެ

ހދ. ކުޅުދުއްފުށި ރީޖަނަލް ހޮސްޕިޓަލް މަރާމާތު ކުރުމުގެ މަޝްރޫޢުގެ ދަށުން، އޯޕީޑީ އިމާރާތް އެޅުމުގެ މަސައްކަތުގެ 53 ޕަސެންޓް މަސައްކަތް ނިމިއްޖެ ކަމަށް އެމަސައްކަތް ކުރާ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އިން ބުނެފިއެވެ.

އެމް.ޓީ.ސީ.ސީއިން ބުނެފައި ވަނީ، ހޮސްޕިޓަލް މަރާމާތު ކުރުމުގެ މަސައްކަތުގެ ތެރެއިން އެހޮސްޕިޓަލްގެ އޯޕީޑީ އިމާރާތުގެ ކޮންކްރީޓާއި ސްޓްރަކްޗަރަލް އަދި ރޫފިންގ މަސައްކަތްތައް އެއްކޮށް މިހާރު ނިމިފައިވާ ކަމަށެވެ.

އިޝްތިހާރު

އަދި މި މަޝްރޫޢުގެ ދަށުން ހޮސްޕިޓަލްގެ ވޯޑް އިމާރާތް އެޅުމާއި އައި.ސީ.ޔޫ ޔުނިޓް އެޅުން، އަދި ވޯޑް އިމާރާތާއި ލެބޯޓްރީ އިމާރާތް އެޅުން ކުރިއަށްދާނެ ކަމަށް ވެސް އެކުންފުނިން ވަނީ ބުނެފައެވެ.

ކުޅުދުއްފުށީ ރީޖަނަލް ހޮސްޕިޓަލް މަރާމާތު ކުރުމުގެ މި މަޝްރޫޢަކީ 30.3 މިލިއަން ރުފިޔާގެ މަސައްކަތެކެވެ.