ރޯދަބަދިގެ: ޗީޒީ ސޮސެޖް ރޯލްސް

ބޭނުންވާ ތަކެތި:

• 1 ފޮތި ޕާން
• 1 ފޮތި މޮޒޮރެލާ ޗީޒް
• 1 ސޮސެޖް
• 1/2 ޖޯޑު ފާރޮށި ކުނޑި
• 1/4 ސައި ސަމުސާ އަސޭމިރުސް
• 1/2 ޖޯޑު ތެޔޮ
• 2 ބިސް
• ރަހަލާވަރު ލޮނުކޮޅެއް

ތައްޔާރު ކުރާނެ ގޮތް:

•  ފުރަތަމަ ޕާންފޮތީގެ އަރިމަތިތައް ވަޅިއަކުން ކަފާލާށެވެ. އެއައްފަހު ރޮށި ދަމާ ރޯލަކުން ޕާންފޮތި ދަމާލާ ތުނިކޮއްލާށެވެ.
•  ދެ ބިސް ތައްޓަކަށް ތަޅާލުމަށްފަހު ލޮނުކޮޅާއި އަސޭ މިރުސްކޮޅު އަޅައިގެން ރަނގަޅަށް އެއްކޮއްލާށެވެ.
•  ދަމާލެވިފައިވާ ޕާންފޮތި މަތީގައި  ގިރާފައިވާ ބިސް، ތުނިކޮށް (ފިއްސަކުން /ސަމުސަލަކުން) ހާކާލާށެވެ. އަދި ޕާންފޮތި މަތީގައި  މޮޒޮރެލާ ޗީސްފޮތި  ބާއްވާލާށެވެ. ދެން ޕާންފޮތީގެ އެއް އަރިއެއްގައި ސޮސެޖް ބޭއްވުމަށްފަހު، ޕާންފޮތި އޮޅާލާށެވެ. އެއަށްފަހު ދެކަން ރަނގަޅަށް ބައްދާލާށެވެ.

އިޝްތިހާރު

•  ތެޔޮފޮދު ތަވައަކަށް އަޅާ ހޫނު ވުމުން، އޮޅާފައިވާ ރޯލް، ގިރާފައިވާ ބިސްތަށިތެރެއަށް ލުމަށްފަހު ރަނގަޅަށް ރޯލްގައި ބިސް ހާކާލާށެވެ. އަދި ފާރޮށި ކުނޑި ރޯލްގައި ރަނގަޅަށް ހާކާލުމަށްފަހު، ހޫނުވެފައިވާ ތެލުގައި  3 މިނެޓް ވަންދެން މެދުގިނީގައި ތެލުލާނީ އެވެ.
• 3 މިނެޓް ވުމުން ރޯލް ތެޔޮގަނޑުން ނަގާނީއެވެ. ޗީޒީ ސޮސެޖް ރޯލްސް މިހާރު މިހުރީ ތައްޔާރުކުރެވިފައެވެ.