މޫނު ބުރުގާ އަޅާ މުދައްރިސުންގެ ޙައްޤުގައި އިޙްތިޖާޖު ކޮށްފި

މޫނު ބުރުގާ އަޅާ މުދައްރިސުންނާއި ކަނބަލުންގެ ޙައްޤުގައި އެއްވުމެއް ބާއްވައިފިއެވެ. އެ އެއްވުން ބާއްވާފައިވަނީ ކާނިވާ ސަރަޙައްދުގައި މިއަދު ހަވީރު 4:15 އިން ފެށިގެން ގާތްގަނޑަކަށް 6:15 އަށެވެ. މިއެއްވުމަކީ އެޑިއުކޭޝަން މިނިސްޓްރީގެ އައު އުސޫލުގައި މޫނު އެޅުން މަނާކޮށް، ކިޔަވައިދެވޭނީ ކާކުކަން އެނގޭ ގޮތަށް ކަމަށް ބުނެ ޢާއްމު ކުރި ސުލޫކީ މިންގަނޑާއި ގުޅިގެން އެކަމަށް އިޙްތިޖާޖުކޮށް ބޭއްވި އެއްވުމެކެވެ.

އިޝްތިހާރު

އެ އިހްތިޖާޖުގެ ޑިމާންޑެއްކަމަށް ބުނެފައިވަނީ މޫނު ބުރުގާ އަޅައިގެން ތައުލީމީ ދާއިރާގައި ހަރަކާތްތެރިވުމާއި ތައުލީމް ދިނުމަށް ހުރަސް އެޅިދާނެ ގޮތަށް ދެމާނަ ދޭހަވާ ގޮތަށް އޮތް މާއްދާ އުވާލައި ސާފު ނައްސުން މޫނު ބުރުގާ އަޅައިގެން ތައުލީމީ ދާއިރާގައި ހަރަކާތްތެރި ވެވޭނެ ކަމާއި ތައުލީމް ދެވޭނެކަމަށް އުސޫލުގައި ބަޔާންކުރުމެވެ.

ސަރުކާރުން މިދިޔަ ހޯމަ ދުވަހު ގެޒެޓްކޮށް އަމަލު ކުރަން ފަށާފައިވާ މުދައްރިސުންގެ އައު ސުލޫކީ މިންގަނޑުގައި އުނގަންނައިދިނުމުގެ ހަރަކާތްތައް ކުރިއަށްގެންދާއިރު، އަދި ދަރިވަރުންނާ މުޢާމަލާތް ކުރާއިރު ހުންނަންވާނ،ީ ތިމާއަކީ ކާކުކަން އެނގޭ ގޮތަށް ކަމަށް ވަނީ ބަޔާން ކޮށްފައެވެ.

މާލޭގެ އިތުރުން ހދ. ނެއްލައިދޫ އަދި ކުރިނބީގައިވެސް މިއަދު ވަނީ އެ އިޙްތިޖާޖު ކޮށްފައެވެ.