އެމްޑީއޭއަށް ޝުކުރު އަދާކުރައްވައި ފައްޔާޒު ވިދާޅުވީ އަޒުމު ނުގުޑާނެ ކަމަށް
އެމްޑީޕީއާ އެކު ހަދާފައިވާ ކޯލިޝަން ރޫޅާލައި، ރިޔާސީ އިންތިޚާބުގެ ދެވަނަ ބުރުގައި އިދިކޮޅު ޕީއެންސީގެ ކެންޑިޑޭޓު ޑރ. މުހައްމަދު މުއިއްޒަށް ތާއީދު ކުރަން އެމްޑީއޭއިން މިރޭ ނިންމި ނަމަވެސް އެމްޑީޕީގެ އަޒުމަށް ބަދަލެއް ނާންނާނެ ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް މިރޭ ވިދާޅުވެއްޖެއެވެ.
ފުރަތަމަ ބުރުގައި އެމްޑީޕީއާ އެކު އެ ޕާޓީގެ ކެންޑިޑޭޓު ރައީސް އިބްރާހިމް މުހައްމަދު ޞާލިޙަށް ތާއީދު ކުރި އެމްޑީއޭގެ ގައުމީ ކައުންސިލުން މިރޭ ވަނީ އެ ކޯލިޝަން ރޫޅައިލަން ނިންމައިފައެވެ. އަދި، ހޮނިހިރު ދުވަހު އޮންނަ އިންތިޚާބުގެ ދެވަނަ ބުރުގައި މުއިއްޒަށް ތާއީދު ކުރަން ނިންމައިފައެވެ.
އެ ކަމާ ގުޅިގެން މިރޭ ކުރެއްވި ޓުވީޓެއްވައި އިކޮނަމިކް މިނިސްޓަރުކަން ވެސް ކުރައްވާ ފައްޔާޒު ވަނީ ފުރަތަމަ ބުރުގެ ކެމްޕޭންގައި އެމްޑީއޭއިން ކޮށްދެއްވި މަސައްކަތް ފާހަގަކޮށް، އެ ކަމަށް ޝުކުރު އަދާ ކުރައްވައިފައެވެ.
އެމްޑީޕީއަކީ އަބަދު ވެސް ގަދަ ކަނޑުގައި ދަތުރުކޮށް ކުރި ހޯދާ ޕާޓީއެއް. ބަލިކޮށް ނުލެވުނު ހިތްވަރު. ގުޑުވާނުލެވުނު އަޒުމު. ކުރިއަށް ކުރިއަށް ބާރަށް ކުރިއަށް،
ފައްޔާޒު ވިދާޅުވިއެވެ.
އެމްޑީއޭއިން ބުނީ، އެ ޕާޓީން ދެވަނަ ބުރުގައި މުއިއްޒަށް ތާއީދު ކުރަން ނިންމީ ރައްޔިތުންގެ ނިންމުމަށް އިޙްތިރާމު ކުރުމުގެ ގޮތުން ކަމަށެވެ. އެގޮތުން، ސަރުކާރުގައި ހުރެ ރައީސް ޞާލިޙަށް ލިބިވަޑައިގެން ވޯޓަށް ވުރެ 15،000 އަށްވުރެ ގިނަ ވޯޓު މުއިއްޒު ހޯއްދެވުމުން ރައްޔިތުންގެ ނިންމުން ސާފު ކަމަށް އެ ޕާޓީން ބުންޏެވެ. އެހެންވެ، ގައުމަށް ޚިދުމަތް ކުރެވޭނީ މުއިއްޒަށް ތާއީދު ކޮށްގެން ކަމަށް ފެންނާތީ އެ ގޮތަށް ނިންމީ ކަމަށެވެ.
@SecretariatMDA ninmumah ihuthiraamukuraa haalu ehkoh mi campaign ga kohdhehvi bura masahkathah varah bodah shukurudhannavan.MDP akee abadhuves gadha kandugai dhathuru koh kuri hoadhaa party. Bali koh nulevunu hiyvaru. Guduvaa nulevunu azumu. Kuriyah Kuriyah Baarah Kuriyah#KKBK
— Fayyaz Ismail (@faya_i) September 26, 2023
މިލިޔުން ކިޔާލުމުން
