ޕީޕީއެމް ޕީއެންސީ ޕްރައިމަރީގެ ހުޅުމާލެ މެދު ދާއިރާއަށް އާދަމް އަޔާޒް ކުރިމަތިލައްވައިފި!
ޕީޕީއެމް ޕީއެންސީ ޕްރައިމަރީގެ ހުޅުމާލެ މެދު ދާއިރާއަށް އާދަމް އަޔާޒް ކުރިމަތިލައްވައިފިއެވެ. އާދަމް އަޔާޒް (އިމްނާ އެޑަމް)، މ.މުސްޠަފާ އާބާދު އަކީ މަޝްހޫރު އިމްނާ ކުންފުނީގެ ފައުންޑަރެކެވެ. މީގެ އިތުރުން އެޑަމް އަކީ ހުޅުމާލޭގެ މަޝްހޫރު ކެފޭއެެއް ކަމުގައިވާ އެޑަމްސް ބައިޓްގެ ވެެސް ވެރިޔާއެވެ.
2024 ވަނަ އަހަރުގެ ރައްޔިތުންގެ މަޖިލީހަށް ޕީޕީއެމް ޕީއެންސީގެ ޓިކެޓުގައި ވާދަ ކުރުމަށް ޝައުޤުވެރިވާ ފަރާތްތަކަށް ފުރުސަތު ހުޅުވާލުމުން 7 ޑިސެމްބަރު ވަނަ ދުވަހު އެޑަމް ވަނީ ފޯމު ހުށަހަޅުއްވާފައެވެ. އެޑަމް އަކީ 2019 ވަނަ އަހަރުން ފެށިގެން ހުޅުމާލޭގައި ދިރިއުޅުއްވަމުން ގެންދަވާ ފަރާތެކެވެ. މީގެ އިތުރުން ހުޅުމާލެ މެދު ދާއިރާއަށް ކުރިމަތި ލެއްވުމަށްޓަކައި، ދާއިރާގެ ރައްޔިތުންނާއި މަޝްވަރާ ކުރައްވާ، ދާއިރާގެ ކަންކަން ބައްލަވައި މަޖިލިސް އިންތިޚާބަށް މީގެ ދުވަސްތަކެއް ކުރިން ފެށިގެން ތައްޔާރުވަމުން އައިސްފައިވާ ކަމުގައި އެޓޯލްނިއުސް އަށް ވަނީ މަޢުލޫމާތު ލިބިފައެވެ.
ބެލެވޭ ގޮތުގައި މިފަހަރުގެ ޕީޕީއެމް ޕީއެންސީ، މަޖިލިސް އިންތިޚާބުގެ ޕްރައިމަރީ ވެގެން ދާނީ ވަރަށްވެސް ވާދަވެރި އިންތިޚާބަކަށެވެ.
މިލިޔުން ކިޔާލުމުން
