ޒަހަމްތަކަކާއެކު މަރުވެފައި އޮތް މީހަކު ހޮޅުދޫ އިން ފެނިއްޖެ
ފުލުހުން ބުނީ ޒަހަމްތަކަކާ އެކު އޮއްވައި ފެނުނީ އުމުރުން 50 އަހަރުގެ ދިވެހި އަންހެނެއް ކަމަށެވެ.
ފުލުހުން ބުނި ގޮތުގައި ހޮޅުދޫގައި ޒަހަމްތަކަކާ އެކު އަންހެނަކު އޮތްކަމުގެ ރިޕޯޓު ހެނދުނުގެ ވަގުތެއްގައި ލިބިގެން ފުލުހުން އެޓެންޑްވި އެވެ. އެ މީހާ ހޮޅުދޫގެ ހެލްތު ސެންޓަރަށް ގެންދިޔަ ނަމަވެސް އޭނާ މަރުވެފައިވާ ކަމަށް ހެލްތު ސެންޓަރާއި ހަވާލާދީ ފުލުހުން ބުންޏެވެ.
”އެ މީހާ ނިޔާވެފައިވާ ކަމަށް ހެލްތު ސެންޓަރުން ފުލުހުންނަށް މައުލޫމާތު ދީފައިވޭ. އެކަމާ ގުޅިގެން ބަލަންޖެހޭ ކަންކަން ފުލުހުން މިދަނީ ބަލަމުން،“ މީޑިއާތަކަށް ހާއްސަ ވަޓްސްއެޕް ގްރޫޕަށް ފޮނުވި މެސެޖުގައި ފުލުހުން ބުންޏެވެ.
އެނގިފައިވާ ގޮތުގައި ފުލުހުންގެ ފޮރިންސިކް ޓީމެއް ވެސް އެ ރަށުގައި މިހާރު އަންނަނީ ހަރަކާތްތެރިވަމުންނެވެ.
މައުލޫމާތު ލިބިފައިވާގޮތުގައި އެ އަންހެން މީހާ މަރާލާފައިވަނީ ވަޅިއަކުން އޭނާގެ ކަރަށް ހަމަލާދީގެންނެވެ. މަރާލާފައި ވަނީ އެ ރަށު މާރަނގަ، ޒަކިއްޔާ މޫސާ، އެވެ.
މިލިޔުން ކިޔާލުމުން
