އަމާން މާދަމައެއް ހޯދަން މަސައްކަތް ކުރަންޖެހޭކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ
މި ނިމުނު 2024 ވަނަ އަހަރު ތެރޭގައި ސަރުކާރުން ނިންމި ގިނަ ނިންމުންތަކަކީ ޒުވާނުންނަށް މާޔޫސްކަން ގެނުވި ނިންމުންތަކެއް ކަމަށާއި އަމާން މާދަމައެއް ހޯދަން މަސައްކަތް ކުރަންޖެހޭކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
އާ އަހަރާ ގުޅިގެން ނެރުއްވި ވީޑިއޯ މެސެޖެއްގައި ޝާހިދު ވިދާޅުވީ މިދިޔަ އަހަރަކީ ރައްޔިތުންނަށް ގިނަ ގޮންޖެހުންތަކެއް ކުރިމަތިވި އަހަރެއް ކަމަށެވެ. އެގޮތުން އިޖްތިމާއީ ރައްކާތެރިކަމުގެ މުޅި ނިޒާމު ރޫޅިގެން ގޮސްފައިވާ ކަމަށް އޭނާ ފާހަގަކުރެއްވިއެވެ.
ޝާހިދު ވިދާޅުވި ގޮތުގައި އިގްތިސާދީ ހަރަކާތްތަކަށް ހުރަސްއެޅުމާއި، އަސާސީ ހައްގުތައް ކަށަވަރުކުރުމުގައި ދިމާވި ދަތިތަކުގެ ސަބަބުން ރައްޔިތުން ވަނީ ނިކަމެތިކަމާއި ހާސްކަމުގައި އުޅެން ޖެހިފައެވެ.
ނަމަވެސް އާ އަހަރާ ގުޅިގެން މާޔޫސްކަމުގެ ތެރޭގައި ތިބެގެން ނުވާނެ ކަމަށާއި، ރައްޔިތުންނަށް އަމާން މާދަމާއެއް ހޯދުމަށް އާ ހިތްވަރަކާއެކު މަސައްކަތް ކުރަން ޖެހޭ ކަމަށް ޝާހިދު ވިދާޅުވިއެވެ.
މިލިޔުން ކިޔާލުމުން
