މަހާލްދީބު ފައުންޑޭޝަންގެ ދެވަނަ ރައިޒް ވޯކްޝޮޕް

މަހަލްދީބް ފައުންޑޭޝަންގެ ދެވަނަ ރެއިޒް (ތަރުބިއްޔަތު) ވޯކްޝޮޕް މިމަހު 20 އަދި 21 ގައި ބޭވުމަށް ހަމަޖެހިޖެއެވެ.
މި ވޯކްޝޮޕަކީ މައިންބަފައިން ހޭލުންތެރި ކުރުމަށްޓަކއި މަހަލްދީބް ފައުނޑޭޝަންއިން ބާއްވާ ދެވަނަ ވޯކްޝޮޕެއވެ.
މިނިސްޓްރީ އޮފް އިސްލާމިކް އެފެއާޒާއި ގުޅިގެން މި ފަހަރު މި ބާއްވާ ވޯކްޝޮޕގައި ކިޔަވައިދެއްވުމަށް ހަމަޖެހިފައިވަނީ އައްޝައިޚް މުޙައްމަދު އަނިލް އާއި އައްޝައިޚް އަޒްމީން ރަޝީދެވެ.
50 ބައިވެރިންނަށް ލިމިޓް ކޮށްގެން ބައްވާ މި ޚާއްޞަ ވޯކްޝޮޕް މިފަހަރު ބޭވުމަށް ހަމަޖެހިފައި ވަނީ އިސްލާމީ މަރުކަޒު ޖަލްސާކުރާ މާލަމުގައެވެ.
އެޓޮލް ނިއުސްއިން ކުރި ސުވާލަކަށް ޖަވާބު ދެއްވަމުން މަހަލްދީބުގެ ޕްރޮޖެކްޓް މެނޭޖަރ އަޙްމަދު ޝިޔާޒު ވިދާޅުވީ 350ރ ގެ ފީއެއް ނަގައިގެން ބައިވެރިވެވޭ މި ވޯކްޝޮޕްގެ ވަރަށްގިނަ ސީޓްވަނީ ވިކިފައެވެ. ނަމަވެސް އަދި ވެސް ފުރުޞަތު އޮތްކަމަށެވެ. ދެމަފިރިން އެކުގައި ބައިވެރިވާނަމަ ޓިކެޓެއްގެ އަގަކީ 300ރ އެވެ.
ބައިވެރި ވުމަށް ބޭނުންފުޅުވާ ފަރާތްތަކުން ނަމާއި އެޑްރެސް ޖެއްސެވުމަށްފަހު ‎9850133 އަށް މެސެޖް ކުރެއްވުމުން ރަޖިސްޓްރީވުމުގެ ކަންތަށް ކުރިޔަށް ދާނެއެވެ.

އިޝްތިހާރު

މިއަހަރު އޮކޯބަރު މަހު 50 ބައިވެރިންނާއެކު ދެދުވަހުގެ މުއްދަތަށް ބޭއްވި ފުރަތަމަ ވޯކްޝޮޕްވަނީ ވަރަށް ކާމިޔާބު ކަމާއެކު ވަނީ ނިންމާލާފައެވެ.

ރައިޒްގެ ފުރަތަމަ ވޯކްޝޮޕް ނިންމާލުމަށްފަހު ބައިވެރިން ފޮޓޯއަކަށް