މެރީޑިއަމް މަޑިފުށި ކަޕް: ފަހުވަގުތު ޖެހި ލަނޑާއެކު ޑީސީއަށް ޗެމްޕިއަންކަން..
27 ވަނަ މެރީޑިއަމް މަޑިފުށި ކަޕް ފުޓްބޯޅަ މުބާރާތުގެ ޗެމްޕިއަންކަން ޑީސީ ސްޕޯޓްސް ކުލަބުން ހޯދައިފިއެވެ.
އެޓީމުން ޗެމްޕިއަންކަން ހޯދީ މިއަދު ހަވީރު ކުޅުނު ފައިނަލު މެޗުގައި ވަންހަ ގަބީލާ އާވާދަކުރި މެޗުގެ އެންމެފަހު ވަގުތުގައި ޖެހި ލަނޑުންނެވެ.
މެޗުގެ 90 ވަނަ މިނެޓުގައި މި ލަނޑު އެޓީމަށް ޖަހައިދިނީ މޭން އޮފް ދަ މެޗުގެ މަޤާމުވެސް ހޯދި ޖާރޒީ ނަމްބަރ 21 އަޙްމަދު އަޙްސަން އެވެ.
މިއަދުގެ މެޗުގެ ފުރަތަމަ 15 ވަރަކަށް މިނެޓުގައި ވަންހަ ގަބީލާއިން ވަނީ ރަނގަޅު ކުޅުމެއް ދައްކާ ޑީސީގެ ގޯލަށް ނުރައްކާ ކޮށްފައެވެ. އަދި ލަނޑުޖަހާނެ ފުރުޞަތުތަކެއްވެސް ތަނަވަސްކޮށްފައެވެ. އެހެންނަމަވެސް އެއިން އެއްވެސް ފުރުޞަތެއްގެ ބޭނުންހިފާ ލަނޑުބޯޑުން ސުމެއް ނައްޓާލެވޭގޮތްވަނީ ނުވެފައެވެ. ހަމަމިއާއެކު ޑީސީ ސްޕޯޓްސް ކުލަބަށްވެސްވަނީ ގޯލުޖަހާނެ ފުރުޞަތުތަކެއް ލިބި ނާކާމިޔާބުވެފައެވެ.
ފައިނަލު މެޗު ނިމުމުން ޗެމްޕިއަން ޓީމަށާއި ރަނަރ އަޕް ޓީމަށް އަދި ފެއަރ ޕްލޭ ޓީމަށާއި މުބާރާތުގެ އެކިވަނަތަކަށްދިޔަ ކުޅުންތެރިންނަށް ވަނީ އިނާމުދީފައެވެ. އަދި މުބާރާތުގެ ޑްރީމް ޓީމު ހޮވާ ޓްރޮފީވެސް ވަނީ ދީފައެވެ.
މިއަހަރުގެ މުބާރާތުގެ ޗެމްޕިއަން ޓީމަށް =/15000 ރުފިޔާ ދީފައިވާ އިރު، ރަނަރ އަޕް ޓީމަށް =/7000 ރުފިޔާ އަދި ފެއަރ ޕްލޭ ޓީމަށް =/3000 ރުފިޔާ ވަނީ ދީފައެވެ.
މި މުބާރާތުގެ މިއަހަރުގެ އޮންލައިން މީޑިއާ ޕާޓްނަރއަކީ އެޓޯލްނިއުސް އެވެ.
މިލިޔުން ކިޔާލުމުން
