ޚާއްޞައެހީއަށް ބޭނުންވާ 100 މީހަކަށް ފެނަކައިން ވަޒީފާ ދީފި
ޚާއްޞައެހީއަށް ބޭނުންވާ ނުވަތަ ނުކުޅެދުންތެރިކަން ހުންނަ 100 މީހަކަށް ފެނަކަ ކޯޕަރޭޝަނުން ވަޒީފާ ދީފިއެވެ.
އެފަދަ ފަރާތްތަކަށް ވަޒީފާ ހޯދައިދިނުމަށް ސަރުކާރުން ގެންގުޅޭ ސިޔާސަތުގެ ދަށުން މި އެންމެންނަށްވެސް ވަޒީފާ ހަމަޖައްސާފައިވަނީ ފެނަކައިން އަތޮޅު ތަކުގައި ހިންގާ ގޮފިތަކުންނެވެ.
ވަޒީފާ ލިބުނު ފަރާތްތަކަށް، ވަޒީފާ ލިބުނުކަން އަންގައިދޭ ލިޔުން ޙަވާލުކުރުމަށް ދަރުބާރުގޭގައި ޚާއްޞަ ރަސްމިއްޔާތެއް ބޭއްވުމަށް ނިންމާފައިވާ ކަމަށާއި ވަޒީފާ ލިބުނު މީހުން މިރަސްމިއްޔާތަށް މާލެ ގެނައުމުގެ މަސައްކަތް ފެނަކަ ކޯޕަރޭޝަނުން ފަށާފައިވާ ކަމަށް މަޢުލޫމާތު ލިބެއެވެ.
ފެނަކަ ކޯޕަޜޭޝަނުން ނުކުޅެދުންތެރިކަން ހުންނަ މީހުންނަށް މީގެ ކުރިންވެސް ފެނަކައިން ވަޒީފާ ދީފައިވާ އިރު، ނުކުޅެދުންތެރިކަން ހުންނަ ފަރާތްތަކަށް ވަޒީފާ ހޯދައިދިނުމަށް ސަރުކާރުން ކުރަމުން ގެންދާ މަސައްކަތްތަކުގައި ސަރުކާރުން ޙިއްސާވާ ބޮޑެތި ކުންފުނިތަކުން އަންނަނީ މިފަދަ މީހުންނަށް ވަޒީފާ ހަމަޖައްސައިދީ އެމީހުންނަށް ޚާއްސަ ތަމްރީނުތަކެއް ދެމުންކަން ފާހަގަ ކޮށްލެވެއެވެ.
މިލިޔުން ކިޔާލުމުން
