އަލް ހިޖްރާގެ ފަރާތުން ވަރަށް ޚާއްޞަ ވޯކްޝޮޕެއް “އިޢްލަމޫ “
“އިޢްލަމޫ” (اعلموا) “އުނގެނޭށެވެ”. ނަމުގައި އަލް ހިޖްރާގެ ފަރާތުން ދެ ދުވަހުގެ ވަރަށް ޚާއްޞަ ވޯކްޝޮޕެއް ބޭއްވުމަށް ހަމަޖެހިއްޖެއެވެ.
ޑިސެންބަރު 31 އަދި ޖެނުއަރީ 1ގައި، ދެދުވަހު ބާއްވާ މިވޯކްޝޮޕްގައި ކިޔަވަދެއްވާނީ ރާއްޖޭގައި ގިނަބައެއްގެ މަޤްބޫލުކަން ހޯއްދަވާފައިވާ އައްޝައިޚް މުޙައްމަދު އިބްރާހީމް (ނައިފަރު) އެވެ.
މި ވޯކްޝޮޕްގައި މައިގަނޑުގޮތެއްގައި ކިޔަވައި ދިނުމަށް ހަމަޖެހިފައިވަނީ ތަޥްޙީދާއި އޭގެ ބައިތައްް އަދި ޝިރުކާއި އޭގެ ބައިތަކެވެ.
80 ބައިވެރިންނަށް ލިމިޓް ކޮށްގެން 250ރ ގެ ފިއަކާ އެކު ބާއްވާ މި ވޯކްޝޮޕގައި ކިޔެވުމަށް ބޭނުންވާ ހުރިހާ އެއްޗެއް ދިނުމަށް ހަމަޖެހިފައިވަނީ އަލ ހިޖްރާގެ ފަރާތުންނެވެ.
މިއީ އަލް ހިޖްރާގެ ފަރާތުން މިގޮތަށް ބާވާ ދެވަނަ ވޯކްޝޮޕެވެ 2014 ވަނަ އަހަރު 85 ބައިވެރިނާއެކު “އިޢްލަމޫ” ގެ ފުރަތަމަ ވޯކްޝޮޕް ވަރަށް ކާމިޔާބު ކަމާއެކީވަނީ ނިންމާލާފައެވެ.
މި ވޯކްޝޮޕްގައި ބައިވެރި ވުމަށް ނުވަތަ އިތު މަޢުލޫމާތު ހޯދުމަށް 7782778 ، 7772906 އަށް ގުޅުމުން ހަމަޖެހޭނެއެވެ.
އަލް ހިޖްރާ އަކީ ދީނީ އަދި އިޖްތިމާޢީ ގޮތުން ދުޅަހެޔޮ މުޖްތަމަޢުއެއް އުފެއްދުމަށް ރާއްޖޭގެ އެކި ކަންކޮޅުތަކުގައި ޢާންމުން ހޭލުންތެރި ކުރުމަށް ޚާއްޞަކޮށް ހުޅުމާލޭގައި ގިނަގުނަ މަސައްކަތްތަކެއް ކުރަމުން އަންނަ ބައެއްކަން ފާހަގަކުރެވެއެވެ.
މިލިޔުން ކިޔާލުމުން
