ވެމްކޯ އިން ކުނި އުކާލުމުގެ ޚިދުމަތް ފަށައިފި
ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މާލޭގެ ގޭގެ އިން ކުނި އުކާލުމުގެ ޚިދުމަތް ފަށައިފި އެވެ.
އެ ކޯޕަރޭޝަނުން ބުނީ މިއީ އަދިރަސްމީކޮށް ފެށީ ނޫން ކަމަށާއި ފުރަތަމަ ބުރުގައި ކުނި އުކާލަން ނިންމާފައިވަނީ ކަނޑައެޅި ތާރީޚުގައި ރަޖިސްޓްރީކޮށްފައިވާ 51 ގެއިން ކަމަށެވެ.
ފުރަތަމަ ބުރުގައި ނަގަނީ ޒޯން އެކެއްގެ ގޮތުގައި ކަނޑައަޅާފައިވާ ހެންވޭރު އަޑިޕާކު ސަރަޙައްދުން ފެށިގެން ކަލާފާނު ސްކޫލް ސަރަހައްދުގައި ހިމެނޭ ގެތަކެވެ. ޓެސްޓު ބުރެއްގެ ގޮތުގައި އެ ޚިދުމަތް ފަށާފައިވާ އިރު، ވެމްކޯއިން ބުނީ ގޭބީސީތަކުގެ ޢަދަދު އިތުރުކޮށް ފައިސާ ނަގާނީ އަންނަ ޖެނުއަރީ މަހުން ފެށިގެން ކަމަށެވެ.
ވެމްކޯ އިން ބުނީ ކުނިއުކާލުމުގެ ޚިދުމަތް ދެގޮތަކަށް ދެމުން އަންނަ ކަމަށާއި އެއީ ރަޖިސްޓްރީކުރާ އެޕާޓްމެންޓްތަކަށް ވެމްކޯގެ މުވައްޒަފުން އަރައި ކުނި ކޮތަޅުތައް ނެގުމާއި އެ ޢިމާރާތެއްގެ ތިރީގައި ބަހައްޓާ ޑަސްބިނުން ކުނި ނެގުން ކަމަށެވެ.
އެގޮތުން އަގު ނަގާނީ އެޕާޓްމެންޓަށް އަރައި ކުނި ނަގާ ނަމަ، 150ރ. އަދި ޢިމާރާތުގެ ތިރީގައި ބަހައްޓާ ޑަސްބިނުން ކުނި ނަގާ ނަމަ 100ރ. ކަމަށްވެސް ވެމްކޯ އިން ބުނެއެވެ.
މިލިޔުން ކިޔާލުމުން
