ރާއްޖޭގެ މުވާޞަލާތީ، ޑިޖިޓަލް ޚިދުމަތުގެ ސިނާއަތުގެ އެންމެ ކުރީ ސަފުގައި ދިރާގު..

30 އަހަރުގެ ދިގު ތަޖުރިބާ އަކާއެކު ރާއްޖޭގެ މުވާޞަލާތީ އަދި ޑިޖިޓަލް ޚިދުމަތުގެ ސިނާއަތުގެ އެންމެ ކުރީ ސަފުގައިވަނީ ދިރާގޭ ބުނުމަކީ ދޮގަކަށް ނުވާނެއެވެ.

ދިރާގުގެ 30 އަހަރުގެ ހަޔާތުގައި ރާއްޖޭގެ މުވާސަލަތީ ސިނާއަތަށް ބޮޑެތި އިންޤިލާބީ ބަދަލުތަކެއް ގެނެސްދީފައިވާކަމީ ދެބަސްވެވެނެތް ޙަޤީޤަތެކެވެ. ރާއްޖެ ފަދަ އާބާދީ ކުޑަ ޖަޒީރާ ޤައުމަކަށް މުވާސަލާތީ އިންފްރާސްޓްރަކްޗަރ ޤާއިމުކުރުމަށް ކުރިމަތިވެފައި އޮތް ގޮންޖެހުންތަކާއެކުވެސް ދިރާގުން ވަނީ އާބާދީ ބޮޑެތި ރަށްރަށުން ފެށިގެން އާބާދީ ކުޑަ ރަށްތަކަށްވެސް މުވާސަލާތުގެ އަސާސީ އޮނިގަނޑު ޤާއިމުކޮށްފައެވެ.

އިޝްތިހާރު

އެގޮތުން ދިރާގުން ވަނީ ރާއްޖޭގެ އުތުރުން ދެކުނަށް 1253 ކިލޯމީޓަރގެ ފައިބަރ އޮޕްޓިކް ސަބްމެރިން ކޭބަލް އަކުން ގުޅައިދީފައެވެ. މިއީ މި ގޮތަށް ރާއްޖޭގައި ފުރަތަމަ އެޅި ކޭބަލްވެސް މެއެވެ. މި ކޭބަލްގެ ސަބަބުން ހައި ސްޕީޑް މުވާސަލާތުގެ އެތައް ކަމެއް މުޅި ރާއްޖެއަށް މަގުފަހިވެ ރާއްޖޭގެ އިޤްތިޞާދީ ދުވެއްޔަށް ހަލުވިކަމެއް ގެނެސްދިނެވެ. ރާއްޖޭގެ އެންމެ ބޮޑު 4ޖީ އަދި ފިކްސްޑް ބްރޯޑްބޭންޑް ނެޓްވޯކް ޤާއިމު ކޮށްފައިވަނީވެސް ދިރާގުންނެވެ.

ރާއްޖޭގެ ޑިޖިޓަލް ޓްރާންސްފޯމޭޝަންގެ މަގު ކޮށައިދިނީ ދިރާގުންނޭ ބުނުން އެކަކުވެސް އެކަމަށް ދެކޮޅު ނުހަދާނެކަން ޔަޤީނެވެ. ޒަމާނަށް އަންނަމުން އައި ބަދަލާއެކު ކުންފުނިން ކަސްޓަމަރުންނަށް ދެމުން އައި ޚިދުމަތްތައްވެސް ދިޔައީ ޒަމާނާއި އެއްގޮތަށް ފަރުމާވެވިގެންނެވެ. އެގޮތުން ދިރާގުގެ ޕްރޮޑަކްޓް ޕޯޓްފޯލިއޯއަށް ބަލައިލިނަމަވެސް މި ކަން ވަރަށް ސާފުކޮށް ހާމަވެގެން ދެއެވެ. އެގޮތުން ދިރާގު ޓީވީ، ދިރާގު ޕޭ އަދި މަމެން ފަދަ ޚިދުމަތްތައް ހިމެނެއެވެ.

”ޓޭކް އޮން ޓުމޯރޯ“ ނުވަތަ ”މުސްތަޤްބަލަށް ފުރިހަމައަށް ތައްޔާރު“ މި ޝިޔާރާއި އޮރެންޖު ކުލައިގެ އައު ބްރޭންޑިންގ އާއި އެކު ދިރާގު މިހާރު ފެނިގެން ދަނީ  ޓެކްނޮލޮޖީއަށް އަންނަ ބަދަލުތަކާއެކު ދިރިއުޅުމަށް އަންނަ ކުރިއެރުންތަކަށް ތައްޔާރަށް އޮތް ޒަމާނީ ޑިޖިޓަލް ޚިދުމަތް ދޭ ކުންފުންޔެއްގޮތަށެވެ.

އައު ބްރޭންޑިންގ އާއެކު ދިރާގުގެ މަޤްޞަދަކަށް ވެގެން ދިޔައީ ކަސްޓަމަރުން ބާރުވެރިކޮށް މި ޑިޖިޓަލް މުސްތަޤްބަލުގެ ބޭނުން އެންމެ ފުރިހަމައަށް ފޯރުކޮށްދިނުމެވެ.