ދިވެހިންނެކޭ އެއްގޮތަށް ބިދޭސީންނަށްވެސް ޗުއްޓީ އާއި ހަފްތާ ބަންދު ލިބެންވާނެ: އެޗްއާރްސީއެމް
ދިވެހިންނެކޭ އެއްގޮތަށް، ބިދޭސީންނަށްވެސް ޗުއްޓީ އާއި ހަފްތާ ބަންދު ލިބެންވާނެކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ބުނެފިއެވެ.
އެ ކޮމިޝަނުން މިހެން ބުނީ ބިދޭސީންނަށް ލިބިފައިވާ ޤާނޫނީ ޙައްޤުތައް އަންގައިދިނުމަށް މަލަޔާލަމް، ބެންގާލީ އަދި ނޭޕާލީ ބަހުން ޗާޕްކޮށްފައިވާ ކާޑުތަކެއް ނެރެން އެ ކޮމިޝަނުގައި ބޭއްވި ރަސްމިއްޔާތުގައެވެ.
މމި ރަސްމިއްޔާތުގައި ވާހަކަދައްކަވަމުން އެ ކޮމިޝަންގެ ޑައިރެކްޓަރ އޮފް އެޑްވޮކަސީ އައިިޝަތު ޝިފާނާ ވިދާޅުވީ ބިދޭސީންނަށް ރާއްޖޭގައި ދިމާވާ މައްސަލަތަކުގެ ތެރޭގައި ޤަވާޢިދުން މުސާރަ ނުދިނުމާއި ވަޒީފާގެ އެއްބަސްވުމުގައިވާ ގޮތަށް ނޯޓިސްނުދީ ވަޒީފާއިން ވަކިކުރުން ހިމެނޭ ކަމަށެވެ. އަދި ފުރައްސާރަކުރުން ހިމެނޭ އިރު، މަސައްކަތްކުރާ މާޙައުލުގައި ދިވެހިންނާއި ބިދޭސީންނާ ދޭތެރޭ ތަފާތުކޮށް ޢަމަލުކުރާ ކަމަށްވެސް ޝިފާނާ ވިދާޅުވިއެވެ.
އެޗްއާރްސީއެމް އިން ބުނީ އެ ކާޑުތައް ބިދޭސީންނަށް ޙަވާލުކުރުމަށް ލޯކަލް ގަވަރމެންޓް އޮތޯރިޓީ އާއި އެމްބަސީތަކާއި އެއަރޕޯޓުންވެސް އެހީވާނެ ކަމަށެވެ. އަދި އެ ކޮމިޝަނުން ރާއްޖޭގެ އެކި ކަންކޮޅުތަކަށް ކުރާ ދަތުރުތަކުގައިވެސް އެ ކާޑުތައް ބަހާނެ ކަމަށެވެ.
މިލިޔުން ކިޔާލުމުން
