ސީގަލް މެރައިންގެ ފިހާރައެއް ހުޅުމާލޭގައި ހުޅުވައިފި

ސީގަލް މެރައިންގެ ފިހާރައެއް ހުޅުމާލޭގައި ހުޅުވައިފިއެވެ.

މިދިޔަ ސެޕްޓެމްބަރ މަހުގެ 30 ވަނަ ދުވަހު ހުޅުވި މި ފިހާރަ ހުންނަނީ ހުޅުމާލޭ ނިރޮޅުމަގު 19، ލޮޓް ނަމްބަރު 11048ގައެވެ.

އިޝްތިހާރު

އެ ކުންފުނިން ބުނީ ދެވަނަ ފިހާރައެއް ހުޅުވުމުގެ މައިގަނޑު މަޤުޞަދަކީ ސީގަލް މެރައިން އިން ވިއްކާ ތަކެއްޗަށް އޮންނަ ޑިމާންޑް ބޮޑުވަމުންދާތީ ހުޅުމާލޭގައި ދިރިއުޅޭ އެކުންފުންޏަށް ވަފާތެރި ކަސްޓަަމަރުންނަށް ފަސޭހަގޮތެއްގައި ޚިދުމަތް ފޯރުކޮށްދިނުމެވެ.

ބޯޓުފަހަރު ޢާންމުގޮތެއްގައި ބަނދަރުކުރަނީ ހުޅުމާލޭ ފަޅުތެރޭގައި ކަމަށްވާތީ، ސީގަލް މެރައިންގެ އަަލަށް ހުޅުވި ފިހާރައިން ކަސްޓަމަރުން ބޭނުންވާ ޚިދުމަތް އަވަސްވެގެންދާނެއެވެ. ކަސްޓަމަރުން އެންމެ ބޭނުންވާ ބައެއް ބްރޭންޑްތައް ކަމުގައިވާ އިންޓަރނޭޝަަނލް ޕެއިންޓް، ޕްލާސްޓިމޯ، ޕޮލިފޯރމް ފެންޑާސް، ރޫލް ޕަންޕްސް، ސިކާ މެރައިން، ޖަބްސްކޯ ފަދަ ބްރޭންޑްތަކުގެ ތަކެތި މިފިހާރައިންވެސް ލިބެންހުންނާނެއެވެ.

ސީގަލް މެރައިންގެ ކަސްޓަމަރުންނަށް ފުރިހަމަ ޚިދުމަތެއް ފޯރުކޮށްދިނުމަށް ސީގަލް މެރައިން މާލެ ފިހާރައިގައި ބޭނުން ކުރާކަހަލަ ސިގްމާ ޑެކޮރޭޓިވް ޕެއިންޓްގެ ކުލަ މިކްސްކުރާ މެޝިނެއް އަލަށް ހުޅުވި ފިހާރައިގައިވެސް ހުންނާނެކަމަށް އެ ކުންފުނިން ބުނެއެވެ.

ސީގަލް މެރައިންއަކީ ބޯޓް ބަނުމަށް ބޭނުންވާ ތަކެއްޗާއި ސަފާރީ ބޯޓުފަހަރަށް ބޭނުންވާ ސާމާނާއި ނެވިގޭޝަން އިކުއިޕްމަންޓާއި މެރައިން ޕެއިންޓް އިމްޕޯޓުކޮށް ހޯލްސޭލް އަދި ރީޓޭލްކުރާތާ 30 އަހަރަށްވުރެ ގިބަދުވަހުގެ ތަޖުރިބާލިބިފައިވާ ގިނަބައެއްގެ އިތުބާރު ލިބިފައިވާ ކުންފުންޏެކެވެ.

މި ކުންފުނީގެ މައި ފިހާރަ ހުންނަނީ މާލޭގެ އަމީނީ މަގުގައެވެ.