އަބަދަށް ދެމިގެންދާ ޙަޤީޤީ ޙަޔާތަކީ އުޚްރަވީ ޙަޔާތް:
އަބަދަށް ދެމިގެންދާ ޙަޤީޤީ ޙަޔާތަކީ އުޚްރަވީ ޙަޔާތްކަމަށް މއިަދުގެ ހުކުރު ޚުޠުބާގައި ބުނެފިއެވެ.
”ޙަޤީޤީ ޙަޔާތަކީ އުޚްރަވީ ޙަޔާތް“ މި މަޢުލޫއަށް މިއަދުގެ ޚުޠުބާ ޚާއްޞަކޮށްފައިވާ އިރު، ޚުޠުބާގައި ބުނީ ޙަޤީޤީ ދުނިިޔެއަކީ މި ޖައްވުގައި ހިމެނޭ އެންމެހާ ތަންތަނާއި ތަކެތި ކަމަށެވެ. އަދި ދުނިޔޭގެ ޙަޤީޤަތަކީ ވަރަށް ރީތި އެހެންނަމަވެސް އެހާ އަވަހަށް ހަލާކުވެ، ފަނާވެދަނިވި ވަގުތީ އުފަލެއް ކަމަށެވެ.
ކީރިތި ޤުރްއާނާއި ކީރިތި ރަސޫލާގެ ސުންނަތުން ދަލީލު ދައްކަމުން ޚުޠުބާގައި އިތުރަށް ބުނީ ދުނިޔެއަކީ ޙައްޤާއި ބާޠިލުގެ ވާދަވެރިކަމުގެ ތަނެއް ކަމަށެވެ. އަދި ރަނގަޅު މީހުންނާއި ނުބައި މީހުން އިމްތިޙާނު ކުރައްވާ ތަނެއް ކަމަށެވެ.
”ދުނިޔެއަކީ ހަލާކުވެ، ނެތިވެ، ފަނާވެ ދަނިވި ގޯއްޗެއް. ދެމިއޮންނަނީ އާޚިރަތުގެ ގޯތި.“ ޚުޠުބާގައި ބުންޏެވެ.
މީގެ އިތުރުން ދުނިޔެއަށް އިންސާނާ ފޮނުއްވީ ދުނިޔެ ޢިމާރާތްކޮށް، އާރާސްތުކޮށް، ފުރިހަމަގޮތުގައި ﷲއަށް އީމާންވެ، ދުނިޔެއިން ފައިދާ ލިބިގަތުމާއެކު، އުޚްރަވީ ޙަޔާތަށް ތައްޔާރުވެ އެ ޙަޔާތް ކާމިޔާބުކުރާނެ ހެޔޮ ޢަމަލުތައްކޮށް އުޅުމަށް ކަމަށްވެސް ވަނީ ބުނެފައެވެ.
މިލިޔުން ކިޔާލުމުން
