ފުޅިއަޅައިގެން ފީނަން އުޅުމުގެ ތެރޭގައި ގެއްލުނު މީހާ ހޯދައިފި
ފުޅިއަޅައިގެން ފީނަން އުޅުމުގެ ތެރޭގައި ޚަބަރެއް ނުވެގެން ހޯދަމުން ދިޔަ މީހަކު އެމްއެންޑީއެފް ސަދަން އޭރިއާ ކޯސްޓްގާޑުން ހޯދައިފިއެވެ.
އެމްއެންޑީއެފް އިން ބުނީ ސ. ހިތަދޫ ފެހިވިނަ، އިބްރާހީމް ޝަކީބްގެ ޚަބަރެއް ނުވެގެން އެމްއެންޑީއެފް ސަދަން އޭރިއާ އަށް ރިޕޯރޓް ލިބިފައިވަނީ ރޭ 23:14 ހާއިރުއެވެ. އަދި ރިޕޯރޓް ލިބުމާއެކު އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑަރަންގެ ޓީމެއް ހާބަރ ޕެޓްރޯލްގައި މިމީހާ ހޯދުމުގެ މަސައްކަތް ފަށާފައިވާ ކަމަށެވެ.
ހާބަރ ޕެޓްރޯލަށް މި މީހާ ފެނިފައިވަނީ ރޭ 23:39 ހާއިރު ކަމަށާއި މި މީހާ ފެނިފައިވަނީ ސ. ހުޅުމީދޫ އިރުން 1 މޭލު ބޭރުން ކަމަށްވެސް އެ އިދާރާ އިން މަޢުލޫމާތުދެއެވެ.
މިހާދިސާ ދިމާވީ ފުޅިއަޅައިގެން ލަނޑާނެގުމަށް މިމީހާ ފީނުމަށްފަހު މައްޗަށް އެރި ވަގުތު ދޯންޏާއި ދިމާނުވެ އޮޔާ ދިޔުމުގެ ސަބަބުން ކަމަށާއި މި ހާދިޘާގައި މި މީހާއަށް އެއްވެސް ގެއްލުމެއް ލިބިފައިނުވާ ކަމަށްވެސް ބުނެއެވެ.
މިލިޔުން ކިޔާލުމުން
