މާތްﷲއަށް ނަޞްރު ދިނުމަކީ އެކަލާނގެ ދީން ޤަބޫލުކުރުން..

މާތްﷲއަށް ނަޞްރު ދިނުމަކީ އެކަލާނގެ ދީން ޤަބޫލުކުރުންކަމަށް ހުކުރު ޚުޠުބާގައި ބުނެފިއެވެ.

މިއަދުގެ ހުކުރު ޚުޠުބާގައި އިމާމް ވިދާޅުވީ ނަޞްރާއި ކާމިޔާބަކީ މާތްﷲއަށް ތެދުވެރި، އިޚްލާޞްތެރި މުއުމިނުންނަށް މާތްﷲ ދެއްވާ އެއްޗެއް ކަމަށެވެ. އަދި މާތްﷲއަށް ނަޞްރުދޭނަމަ، އެކަލާނގެ އަޅަމެންނަށް ނަޞްރުދެއްވާނެ ކަމަށާއި އެކަލާންގެ އަޅަމެންގެ ފައިތިލަތައް ޘާބިތު ކުރައްވާނެ ކަމަށެވެ.

އިޝްތިހާރު

މީގެ އިތުރުން ޚުޠުބާގައި ބުނީ ކާފިރުން ކިތަންމެ ނުރުހުންވެ، ކިތަންމެ ބޮޑެތި ތުހުމަތުތަކެއް މުސްލިމުންގެ ބޮލުގައި އެޅުވިޔަސް އެކަމާދެރަވާން ނުޖެހޭ ކަމަށާއި ނަޞްރު ލިބޭނީ އެކަލާނގެ ޝަރީޢަތް ތަންފީޒުކުރުމާއި ﷲގެ ފޮތާއި ﷲގެ ރަސޫލާގެ ސުންނަތަށް ޢަމަލުކުރުމުން ކަމަށެވެ.

ނަޞްރު ލިބޭނީ ކަންތައްތަކެއްގެ ތެރެއިން ލާފާ ކަމަށާއި އޭގެތެރޭގައި ޤަބޫލުކުރާ ހަރުދަނާ އުޞޫލެއްގެ މަތީގައި ޘާބިތުވެ ތިބުން ހިމެނޭ ކަމަށާއި މިއީ އީމާންކަމާއި އިސްލާމްކަމުގެ ޢަޤީދާ ކަމަށްވެސް ޚުޠުބާގައި ވަނީ ބުނެފައެވެ. އަދި ނަޞްރުދެއްވާނީ އެކަމަށްޓަކާ މާއްދީ ބާރުންވެސް ތައްޔާރުވީމާ ކަމަށެވެ.