ދުނިޔޭގެ ހަކުރުބަލީގެ ދުވަސް ފާހަގަކުރުމަށް އޭޑީކޭ ފުޑްކޯނަރގައި ސިއްޙަތަށް ފައިދާހުރި ބުފޭއެއް މާދަމާ..

ދުނިޔޭގެ ހަކުރުބަލީގެ ދުވަސް ފާހަގަކުރުމަށް އޭޑީކޭ ފުޑްކޯނަރގައި ސިއްޙަތަށް ފައިދާހުރި ބުފޭއެއް މާދަމާ ބޭއްވުމަށް ނިންމައިފިއެވެ.

އޭޑީކޭ އިން ޢާންމުކުރި ޕޯސްޓަރެއްގައިވާ ގޮތުން ”ފެމިލީ އެންޑް ޑައިބެޓީސް“ މި ޝިޢާރުގެ ދަށުން މިއަހަރު ފާހަގަކުރާ ދުނިޔޭގެ ހަކުރުބަލީގެ ދުވަސް ފާހަގަ ކުރުމަށް އެ ހޮސްޕިޓަލުގައި ހުންނަ ފުޑްކޯނަރ ރެސްޓޯރެންޓުގެ ފުރަތަމަ ފަންގިފިލާގައި މާދަމާ ހެނދުނާއި މެންދުރު ވަރަށް ޚާއްޞަ ބުފޭއެއް އޮންނާނެއެވެ.

އިޝްތިހާރު

ހެނދުނުގެ ނާސްތާ ނުވަތަ ބްރޭކްފާސްޓް ބުފޭ އޮންނާނީ ހެނދުނު 08:00ން 11:00 އަށް ކަމަށާއި މެންދުރުގެ ބުފޭ އޮންނާނީ 12:00ން 15:00 އަށް ކަމަށްވެސް އެ ޕޯސްޓަރުގައި ވަނީ ބުނެފައެވެ.

މީގެ އިތުރުން އެ ހޮސްޕިޓަލުގެ ޑައިޓީޝަން ނަޖްލާ އާބައްދަލުކޮށް ސުވާލުކޮށްލުމުގެ ފުރުޞަތުވެސް ވަނީ މާދަމާ ހުޅުވާލާފައެވެ. އެގޮތުން ހެނދުނު 09:30ން 10:30އަށް ޑައިޓީޝަން އާ ބައްދަލުކުރެވޭނެ ކަމަށްވެސް ވަނީ ބުނެފައެވެ. އަދި ސުވާލު ސިއްޙަތާއިިގުޅުންހުރި ސުވާލުކުރުމުގެ ފުރުޞަތު ހުޅުވާލާފައިވާ ކަމަށްވެސް ވަނީ ބުނެފައެވެ.

ދުނިޔޭގެ ހަކުރުބަލީގެ ދުވަހުގެ ގިތުގައި ފާހަގަކުރަމުން އަންނަނީ ކޮންމެ އަހަރެއްގެވެސް ނޮވެމްބަރު މަހުގެ 14 ވަނަ ދުވަހެވެ.