ސިނަމާލެ ބްރިޖު ރަންގައި ބީބީ ރަނަރސް ބައިވެރިވެ، ގިނަ ބައެއްގެ ސަމާލުކަން ހޯދައިފި

މިއަދު ހަވީރު ބޭއްވި ސިނަމާލެ ބްރިޖު ރަންގައި ބީބީ ރަނަރސް ބައިވެރިވެ، ގިނަ ބައެއްގެ ސަމާލުކަން ހޯދައިފިއެވެ.

ސިނަމާލެ ބްރިޖު ރަން އަކީ ”ދުޅަހެޔޮ ހަށިހެޔޮ އީދު“ގެ ތެރޭގައި ހިމަނައިގެން ބޭއްވި ދުވުމެކެވެ.

އިޝްތިހާރު

ދުވުމުގެ ބައިވެރިން ރަތާއި ފެހި ނުވަތަ ހުދު ކުލައިގެ (ޓީޝާޓް ފަދަ) ހެދުން ލައިގެން ދުވި އިރު، ބީބީ ރަނަރސް އިން ޚިޔާރުކޮށްފައިވަނީ ފެހި ކުލައެވެ. އަދި ޓީޝާޓްގެ ކުރިމަތީގައި ބީބީ ރަނަރސް އަދި ފަހަތުގައި ދުވުމާއިގުޅުން ހުރި ޝިޢާރެއް ޖަހާފައިވާ އިރު، ގިނަ ބައެއްގެ ސަމާލުކަން ވަނީ ހޯދާފައެވެ.

އާ ސަރުކާރުގެ ފެށުން ފާހަގަކުރުމަށް ބާއްވާ ދުޅަހެޔޮ ހަށިހެޔޮ އީދުގެ ހިމެނޭ މި ދުވުން އިންތިޒާމްކޮށްފައިވަނީ ބީބީ ރަނަރސް، އައި-ރަނާސް، ޓީއެފްޖީ، މޭޑް ރަނަރސް އަދި ރަޝާޒް އިންނެވެ.

މިއަދުގެ ދުވުމުގެ އިތުރުން ރާއްޖޭގައި ބާއްވާ ހުރިހާ ދުވުމެއްގައިކަހަލަ ގޮތަކަށް ބީބީ ރަނަރސް އިން ބައިވެރި، އެކިި ވަނަތައް ހޯދަމުން އަންނަ އިރު، ރާއްޖެއިން ބޭރުގެ ބައެއް ދުވުންތަކުގައިވެސް އެ ގްރޫޕުން އަންނަނީ ބައިވެރިވެ، ރާއްޖެއާއި ބީބީ ރަނަރސް ތަމްޘީލު ކުރަމުންނެވެ.

ބީބީ ރަނަރސް އަކީ ދުޅަހެޔޮ ސިއްޙަތެއްގައި ހުރުމަށް ކަސްރަތާއި ކުޅިވަރު، ޚާއްޞަކޮށް ދުވުމުގެ ފައިދާ އަންގައިދީ، ހިލޭ ސާބަހަށް އެއްވެސް ފީއެއް ނެގުމަކާއިނުލާ އެކަމަށް ހޭލުންތެރިކުރުވުމުގެ މަޤުޞަދުގައި އުފައްދާފައިވާ ރަނިންގ ފެމިލީއެކެވެ. އަދި މާލެ އާއި އަތޮޅު ތެރޭގެ ބައެއް ރަށްރަށުގައިވެސް ބީބީ ރަނަރސްގެ ގޮފިތައް އަންނަނީ އުފައްދާ ހިިލޭ ތަމްރީނުތައް ދެމުންނެވެ.