ދިވެހިންނަށް ލިބިފައިވާ އެންމެބޮޑު ނިޢުމަތަކީ އިސްލާމްދީނުގެ ހިދާޔަތް
ދިވެހިންނަށް ލިބިފައިވާ އެންމެބޮޑު ނިޢުމަތަކީ އިސްލާމްދީނުގެ ހިދާޔަތްކަމަށް މިއަދުގެ ހުކުރު ޚުޠުބާގައި ބުނެފިއެވެ.
ޚުޠުބާގައި ބުނީ މިއީ މި ޤައުމުގެ އެކުވެރިކަމާއި އެއްބައިވަންތަކަމުގެ އަސާސީ ރުކުން ކަމަށާއި ޤައުމުގެ އަމަން އަމާންކަމާއި ސުލްހަ މަސަލަސްކަން ދެމިއޮތުމުގެ ރަމްޒު ކަމަށެވެ.
އެހެންކަމުން ޤައުމުގެ އެކުވެރިކަމާއި ވަހުދަތު ދެމެހެއްޓުމަށް މިޤައުމުގައި މިއޮތް ދީނީ އެއްބައިވަންތަކަން ދެމެހެއްޓުމަކީ ކޮންމެހެން ލާޒިމުވެގެންވާ ކަމެއްކަމަށާއި މިއަދާއި ހަމައަށްވެސް މިޤައުމުގެ އަމަން އަމާންކަމާއި ސުލްހަ މަސަލަސްކަން ދެމިއޮތީ ދިވެހިންގެ މެދުގައި މިއޮތް ދީނީ އެއްބައިވަންތަކަމުގެ ސަބަބުން ކަމަށްވެސް ޚުޠުބާގައި ވަނީ ބުނެފައެވެ.
”ދުނިޔޭގެ ކަންކޮޅުތަކަށް ނަޒަރު ހިންގާލާ އިރު، ފެންނަމުންދާ ހަމަނުޖެހުންތަކާއި ލޭއޮހޮރުވުންތަކުގެ ސަބަބަށް ގިނަފަހަރު ވެފައި އޮންނަނީ ޒަމާނުއްސުރެ އެބައިމީހުންގެ މެދުގައި އުފެދިފައި އޮންނަ ދީނީ އަދި ނަސްލީ ދެކޮޅުވެރިކަން. އަވަށްޓެރި ޤައުމުތަކުންނާ ދުރު ޤައުމުތަކުންވެސް މިކަން އަޅުގަނޑުމެންނަށް ފެނޭ.“ ޚުޠުބާގައި ބުނެފައިވެއެވެ.
އެހެންނަމަވެސް ﷲގެ ރަޙްމަތްފުޅުން ދިވެހިންގެ މެދުގައި މިފަދަ އިޖުތިމާޢީ ބައިބައިވުންތައް ނެތް ކަމަށާއި ދީނީ ބައިބައިވުންވެސް ނެތް ކަމަށްވެސް ޚުޠުބާގައި ބުނެފައިވެއެވެ.
މިލިޔުން ކިޔާލުމުން
