އޭސް ހާޑްވެއަރ އެންޑް ހޯމް ސެންޓަރގެ އަހަރީ ސޭލް ޕްރޮމޯޝަން ފަށައިފި

އޭސް ހާޑްވެއަރ އެންޑް ހޯމް ސެންޓަރގެ 7 ވަނަ އަހަރީ ދުވަހުގެ މުނާސަބަތުގައި ބާއްވާ ޕްރޯޝަން މިއަދު ފަށައިފިއެވެ.

ޑިސެމްބަރު މަހުގެ 1 އިން 15 ޖެނުއަރީގެ ނިޔަލަށް ބާއްވާ މި ޕްރޮމޯޝަން، އޭސް ހާޑްވެއަރގެ މާފަންނު އަދި ހެންވޭރު ފިހާރައިގައިވެސް ކުރިއަށްގެންދިއުމަށްވަނީ ހަމަޖެހިފައެވެ.

އިޝްތިހާރު

މި ޕްރޮމޯޝަންގައި 300 ރުފިޔާއިން ފެށިގެން މަތީގެ ޢަދަދަކަށް ވިޔަފާރިކުރައްވާ ފަރާތްތަކުގެތެރެއިން ނަސީބު ނަމްބަރުން ހޮވާލެވޭ ފަރާތްތަކަށް އެފް ސެވަން މޮޓޯ ސައިކަލެއް ދިނުމަށް ހަމަޖެހިފައިވާ އިރު، 70 އިންސައްތައާހަަމައަށް ޑިސްކަންޓް ލިބިވަޑައި ގަންނަވާނެވެ.

މި ޕްރޮމޯޝަން ޚާއްޞަވާ އަނެއް ސަބަބަކީ ސުކޫލު ކުދިންގެ ސާމާނު ހެޔޮ އަގެއްގައި ލިބެން ހުރުމެވެ. މީގެ ތެރޭގައި ސުކޫލު ކުދިންގެ ދަބަހާއި ލަންޗް ބޭގް، ލަންޗް ބޮކްސް، ފެން ފުޅި އަދި ތަފާތު ވައްތަރުގެ ސްޓޭށަނަރީ ހިމެނެއެވެ.

މީގެއިތުރުން ސޯސަލް މީޑިޔާގައިވެސް އޭސް ހާޑްވެއަރ އިން ވަނީ ވަރަށް ތަފާތު ލައިކް އެންޑް ކޮމެންޓް ކޮންޓެސްޓެއް ފަށާފައެވެ. މި ކޮންޓެސްޓްގެ ނަސީބު ވެރި 5 ފަރާތަކަށް މުޅި އަހަހު ދުވަހު ކުރައްވާ ވިޔަފާރިން 20 އިންސައްތަ ޑިސްކައުންޓް ލިބޭނެއެވެ.

ހަމަ އެހެންމެ މުޖްތަމަޢުގެ ކަންކަމުގައި ބައިވެރިވެ މުޖްތަމަޢުގެ ކުރިއެރުމާއި ތަރައްޤީއަށްވެސް އޭސް ހާޑް ވެއަރއިން މަސަކަތްކުރެއެވެ. މިގޮތުން ޑިސެމްބަރ މަހު ކުރިއަށްގެންދިއުމަށް ހަމަޖެހިފައިވާ އަހަރީ ޕްރޮމޯޝަންގައި ވިއްކާ ކުޑަކުދިންގެ ކުޅޭ ސާމާނުން ލިބޭ އާމްދަނީގެ އިންސައްތައެއް ދިވެހިރާއްޖޭގައި ކުޑަކުދިންގެ ޙައްޤުތައް ރައްކާތެރިކޮށް ކުރިއެރުވުމަށް މަސައްކަތްކުރާ އަމިއްލަ ޖަމިއްޔާއެއްކަމަށްވާ އެޑްވޮކޭޓިންގ ދަ ރައިޓްސް އޮފް ޗިލްޑްރަން (އާރކް)އަށް ހަދިޔާކުރުމަށް އޭސް ހާޑްވެއަރއިންވަނީ ނިންމާފައެވެ.

އޭސް ހާޑްވެއަރ ދިވެހިރާއްޖޭގައި އިފްތިތާޙްކޮށްފައިވަނީ މީގެ 7 އަހަރު ކުރިން، 15 ޑިސެމްބަރ 2011 ގައެވެ. އެއީ އެމެރިކާގެ ޗިކާގޯގެ އޭސް އިންޓަރނޭޝަނަލް އާއި ދިވެހިރާއްޖޭގެ އަމިއްލަ ކުންފުންޏެއްކަމަށްވާ ކޯ-ލޯޑް މޯލްޑިވްސް ޕްރައިވެޓް ލިމިޓެޑްއާދެމެދު ވެވުނު އެއްބަސްވުމެއްގެދަށުން ފެށުނު ވިޔަފާރިއެކެވެ.

މި އެއްބަސްވުމަށްފަހު އޭސް ހާޑްވެއަރ އެންޑް ހޯމް ސެންޓަރގެ ފުރަތަމަ ފިހާރަ މާލޭގައި ހުޅުވާފައިވަނީ 20 ޑިސެމްބަރ 2011 ގައެވެ. އަދި 19 ޑިސެމްބަރ 2013 ގައި ދެވަނަ ފިހާރައެއްވެސްވަނީ ހުޅުވާފައެވެ.