ހިރިލަންދޫ ބަލިކޮށް އެމްޕީ ކަޕްގެ ޗެމްޕިއަންކަން ވަންދޫ ހޯދައިފި
އެމްޕީ ކަޕް 2018 ގެ ޗެމްޕިއަންކަން ހިރިލަންދޫ ބަލިކުރުމަށްފަހު، ވަންދޫ ހޯދައިފިއެވެ.
ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު ޢަބްދުﷲ ރިޔާޒު، އެދާއިރާގެ މެމްބަރުކަމަށް ކުރިމަތިލައްވާ، ވެވަޑައިގެން ވަޢުދުގެ އެންމެފަހު މުބާރާތުގެ ޗެމްޕިއަންކަން ވަންދޫ އިން ހޯދީ 1-2 ން ހިރިލަންދޫ ބަލިކޮށްފައެވެ.
މިއަދު ހަވީރު ކުޅުނު މި މެޗުގައި ވަންދޫގެ އިބްރާހިމް ޝަބީން ވަނީ ފުރަތަމަ ހާފުގެ ކުރީކޮޅު ލަނޑެއްޖަހާ ލީޑުނަގައިދީފައެވެ. އަދި ފުރަތަމަ ހާފު ނިމުނީ މި ނަތީޖާގައެވެ.
ދެވަނަ ހާފުގައި ހިރިލަންދޫގެ ކުޅުން އިތުރަށް ރަނގަޅުކޮށް އަކްރަމް ވަނީ ހިރިލަންދޫއަށް ނަތީޖާ އެއްވަރުކޮށްދީފައެވެ.
އެެހެންނަމވެސް ދެވަނަ ހާފްގެ 24 ވަނަ މިނެޓުގައި ވަންދޫއަށް ޗެމްޕިއަންކަން ޔަޤީންކޮށްދިން ގޯލު ޖަހައިދިނީ އިބްރާހީމް ރައިހާންއެވެ.
ޗެމްޕިއަން ޓީމަށް ތައްޓާއި ފަންސާސް ހާސް ރުފިޔާގެ ފައިސާގެ އިނާމް ޙަވާލުކޮށްދެއްވީ ކުރީގެ ނައިބް ރައީސް ޑރ. މުޙައްމަދު ޖަމީލް އަޙްމަދު އެވެ.
ފައިނަލް މެޗު ބައްލަވާލެއްވުމަށް ކުރީގެ ޑިފެންސް މިނިސްޓަރ ކާރނަލް ނާޒިމް އާއި ކިނބިދޫ ދާއިރާގެ މަޖިލިސް މެންބަރު ޢަބްދުﷲ ރިޔާޒް ބައިވެރިވެވަޑައިގެންނެވިއެވެ.
މިލިޔުން ކިޔާލުމުން
