އެޗްއާރްސީއެމް އިން އެމްބެސެޑަރކަމަށް 4 ބޭފުޅަކު ހަމަޖައްސައިފި

ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން އެމްބެސެޑަރކަމަށް 4 ބޭފުޅަކު ހަމަޖައްސައިފިއެވެ.

ހިއުމަން ރައިޓްސް އެމްބެސެޑަރުންގެ ގޮތުގައި ހަމަޖައްސާފައިވަނީ އަންހެނުންނާއި ނުކުޅެދުންތެރިކަން ހުންނަ ފަރާތްތަކާއި ޢުމުރުން ދުވަސްވީ މީހުންގެ ހައްޤުތަކުގެ ދާއިރާ އާއި ކުޑަކުދިންގެ ޙައްޤުތަކުގެ ދާއިރާއިންނެވެ.

އިޝްތިހާރު

އެގޮތުން އަންހެނުންގެ ޙައްޤުތަކުގެ ދާއިރާއިން އެމްބެސެޑަރެއްގެ ގޮތުގައި އަނީސާ އަޙްމަދު ހަމަޖައްސާފައިވާ އިރު، ނުކުޅެދުންތެރިކަން ހުންނަ ފަރާތްތަކުގެ ޙައްޤުތަކުގެ ދާއިރާގެ އެމްބެސެޑަރެއްގެ ގޮތުގައި އަހްމަދު ހިޝާން އެވެ. އަދި ޢުމުރުން ދުވަސްވީ މީހުންގެ ދާއިރާގެ ޙައްޤުތަކުގެ އެމްބެސެދަރެއްގެ ގޮތުގައި ރަޒީނާ ތުއްތުދީދީ ހަމަޖައްސާފައިވާ އިރު، ކުޑަކުދިންގެ ދާއިރާގެ ޙައްޤުތަކުގެ އެމްބެސެޑަރެއްގެ ގޮތުގައި ހަމަޖައްސާފައިވަނީ މުހައްމަދު ޝިހާބެވެ.

ފަރާތްތަކަކީ އިންސާނީ ޙައްޤުތައް ހިމާޔަތްކުރުމަށް އިޖުތިމާއީ ތަފާތު ރޮނގުތަކުން ގިނަ ގުނަ މަސައްކަތްތަކެއް ދިގު މުއްދަތަކަށް ކުރައްވާފައިވާ ފަރާތްތަކެއް ކަމަށް އެޗްއާރްސީއެމުން ވަނީ ބުނެފައެވެ.