މާމިގިލި އެއަރޕޯޓުގައި އެކްސިޑެންޓެއް ހިނގާ 4 މީހަކަށް އަނިޔާވެއްޖެ
އދ. މާމިގިލި އެއަރޕޯޓުގައި އެކްސިޑެންޓެއް ހިނގާ 4 މީހަކަށް އަނިޔާވެއްޖެއެވެ.
ފުލުހުން ބުނީ މި ހާދިޘާގެ ރިޕޯޓު ލިބިފައިވަނީ މިއަދު ހަވީރު 16:15 އެހާކަންހާއިރު ކަމަށެވެ.
މި ހާދިޘާގައި އެކަކުގެ ބޯ ފަޅައިގެންގޮސްފައިވާ އިރު، އިތުރު 3 މީހެްގެ ފައި ބިންދައިގެން ގޮސްފައިވާ ކަމަށްވެސް ފުލުހުން ބުނެއެވެ.
ފުލުހުން އިތުރަށް ބުނީ އެ ހާދިޘާ ހިނގަން ދިމާވީ އެއަރޕޯޓުގެ ފަޔަރ ލޮރީ ކޮންޓްރޯލް ނުވެގެން ގޮސް ކަމަށެވެ.
އެޓޯލްނިއުސްއަށް މަޢުލޫމާތު ލިބިފައިވާ ގޮތުގައި އެކްސިޑެންޓުގައި އަނިޔާ ލިބުނު މީހުންނަށް މާމިގިލީ ސިއްހީ މަރުކަޒުގައި ވަނީ ފަރުވާދީފައެވެ. ނަަމަވެސް އެމީހުންގެ ހާލު ސީރިއަސްކަމުން މާލެ ފޮނުވުމުގެ މަސައްކަތް ވަނީ ފަށާފައެވެ.
ފުލުހުންގެ ތަފާސް ހިސާބުތަކުން ދައްކާގޮތުގައި މިއަހަރު މިހާތަނަށް އެކްސިޑެންޓުގެ 860 މައްސަލައެއް ވަނީ އެ އިދާރާއަށް ހުށަހަޅަފައެވެ.
މިލިޔުން ކިޔާލުމުން
