”ކޮވިޑް އިޖާބަ!“އަށް ބޮޑު ތަރުހީބެއް
ދިވެހިރާއްޖޭގައި އިންސާނިއްޔަތަށް ޚިދުމަތް ކުރުމަށް އުފައްދާފައިވާ ޖަމިއްޔާ ”އެހީ“އިން ކުރިޔައްގެންދާ ޙަރަކާތް ”ޕެންޑެމިކް އިޖާބަ!“ ހަރަކާތަށް ވަރަށް ބޮޑު ތަރުޙީބެއް ލިބިފައިވާކަމަށް އެހީ ޖަމްޢިއްޔާއިން ބުނެފިއެވެ. މިހެން ބުނެފައިވަނީ އެޖަމްއިއްޔާގެ އޮފިޝަލް ޓްވިޓާ އެކައުންޓު އަދި ފޭސްބުކް ޕޭގުގައި މިއަދު މެންދުރު ޢާއްމުކޮށްފައިވާ ނޫސްބަޔާނެއްގައެވެ. ”ހާލުގައި ޖެހޭފަރާތްތަކަށް އެހީތެރިކަން ފޯރުކޮށްދިނުމަށް އަމިއްލަ ފަރާތްތަކާއި ޖަމްޢިއްޔާ ޖަމާޢަތްތަކުގެ އިތުރުން ވިޔަފާރިކުންފުނިތަކުންވެސް އަޅުގަނޑުމެންނާއެކު މިކަމުގައި ބައިވެރިވެލައްވާފައިވާކަން މިފުރުޞަތުގައި އުފަލާއެކު ފާހަގަކޮށްލަމެވެ. ”އެހީ ޖަމްޢިއްޔާ“އަށް ކުރައްވާ އިތުބާރާއި ދެއްވާ އެއްބާރުލެއްވުމަށް އެ އެންމެހާ ފަރާތްތަކަށް ވަރަށް އަދަބުވެރި ޝުކުރެއް ދަންނަވަމެވެ.“ ބަޔާނުގައި ވެއެވެ.
ބަޔާނުގައި ބުނާގޮތުން އެޙަރަކާތަކީ ކޮވިޑް-19ގެ ފުރަބަންދާއިގުޅިގެން އެތައް ދިވެހިންނެއްގެ ވަޒީފާ ގެއްލި، ގިނަ ޢާއިލާތަކެއް ޙާލުގައިޖެހި އާމްދަނީ ލިބޭނޭ ގޮތެއްނެތިފައިވާތީއާއި، ރާއްޖޭގައި މަސައްކަތްކުރާ ވަރަށް ގިނަ ޢަދަދެއްގެ ބިދޭސީންތަކެއްވެސް އެފަދަޙާލެއްގައިޖެހި، ދިރިއުޅުމަށް ދަތިވި ހިނދު، އެފަރާތްތަކަށް ކާބޯތަކެތި ފޯރުކޮށްދިނުމުގެ މަޤްޞަދުގައި ”އެހީ މިޖަމިއްޔާ“އާއި ”ވެލްނެސް އެސޯސިއޭޝަން އޮފް މޯލްޑިވްސް“ އަދި ”އެކްސްޕެޓް ސަޕޯރޓް ކޮމިއުނިޓީ (ބައި ރީނާ)“ ގުޅިގެން، ކުރިޔައްގެންދާ ޕްރޮގްރާމެކެވެ.
"ކޮވިޑް އިޖާބަ" ހުއްޓާލުމާ ގުޅޭ ނޫސް ބަޔާން!#ކޮވިޑް19#ރައްކާތެރިވޭ#ފުރަބަންދު pic.twitter.com/oUvVoY8QcB
— EHEE (@EHEEOfficial) June 17, 2020
އަދި މި ޙަރަކާތް ހުއްޓާލާ ކަމުގެ އިޢުލާނެއްވެސް އެޖަމްއިއްޔާއިން ވަނީ ކޮށްފައެވެ. ނޫސްބަޔާނުގައިވަނީ ދައުލަތުގެ ފަރާތުން ފުރަބަންދު ލުއިކޮށްދެއްވާފައިވާތީއާއި ދިރިއުޅުމުގެ ތެރެއަށް ގިނަބަޔަކަށް ނިކުމެވި، މަޑުމަޑުން މީސްތަކުން ޢާއްމު ޙާލަތަށް ރުޖޫޢަވަމުން އަންނާތީ، ކުއްލިޙާލަތުގައި އެހީވުމަށް ފެށި ޙަރަކާތް ހުއްޓާލާކަމަށެވެ. ”މިޖަމްޢިއްޔާއިން ކުރިޔައްގެންދާ ”ޕެންޑެމިކް އިޖާބަ!“ މިހިނގާ ޖޫން މަހުގެ 18 ވާ ބުރާސްފަތި ދުވަހުގެ ހަވީރު 5:00 އިންފެށިގެން ނިމުމަކަށް ގެންނަށް މިޖަމްޢިއްޔާއިން ނިންމިވާހަކަ ޢާއްމުކޮށް އަންގާ އިޢުލާނުކުރަމެވެ.“ ބަޔާނުގައިވެއެވެ.
އަދި އެތާރީޚުން ފެށިގެން އިތުރު ފޯމު ބަލައިނުގަންނާނެކަމާއި، އެހެނަސް މިހާތަނަށް ބަލައިގެންފަވާ ފޯމުތަކަށް ޚިދުމަތްދޭނެކަމަށް ބަޔާނުގައިވެއެވެ.
މިލިޔުން ކިޔާލުމުން
