ކައުންސިލު އިންތިޚާބަށް ފަހު ކޮވިޑު ކޭސްތައް އަނެއްކާވެސް މައްޗަށް
ލޯކަލް އިންތިޚާބަށް ފަހު އަނެއްކާ ވެސް ރާއްޖޭގައި ކޮވިޑުގެ ކޭސްތައް އަނެއްކާވެސް މައްޗަށް އަރައިފި އެވެ.
އެޗްޕީއޭގެ ތަފާސް ހިސާބުން ދައްކާ ގޮތުގައި ރާއްޖެއިން މިއަދު ވަނީ 203 މީހުން ކޮވިޑަށް ޕޮޒިޓިވް ވެފަ އެވެ.
އިއްޔެގެ އިރުއޮއްސި 6:00 އިން މިއަދު އިރުއޮއްސި 6:00އާ ހަމައަށް ރާއްޖެއިން ޕޮޒިޓިވްވި މީހުންގެތެރޭގައި ހިމެނެނީ މާލޭ ސަރަޙައްދުން ޕޮޒިޓިވްވި 115 މީހުންނާއި އަތޮޅުތަކުގެ ރަށްރަށުން ޕޮޒިޓިވްވި 70 މީހަކާއި ރިސޯޓުތަކުން ޕޮޒިޓިވްވި 18 މީހުން ނެވެ.
އެހެންކަމުން ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ޢަދަދު މިވަނީ 26،348 އަށް އަރާފައެވެ.
މިވަގުތު ރާއްޖޭގައި 2،678 މީހުން ކޮވިޑުން ރަނގަޅު ނުވެ ތިބި އިރު، މިހާތަނަށް 23،591 މީހުން ވަނީ ކޮވިޑުން ރަނގަޅުވެފަ އެވެ. އަދި ހޮސްޕިޓަލްގައި އެޑްމިޓްކޮށް 60 މީހަކަށް ދަނީ ފަރުވާ ދެމުންނެވެ.
ކޮވިޑް-19އަށް ޕޮޒިޓިވްވި މީހުންގެ ތެރެއިން ރާއްޖެއިން މިހާތަނަށް 70 މީހަކު ވަނީ ނިޔާވެފައެވެ. އޭގެތެރޭގައި ހިމެނެނީ 62 ދިވެހިންނާއި 8 ބިދޭސީންނެވެ
މިލިޔުން ކިޔާލުމުން
